貓頭鷹B離巢 小六生「打雀」

更新時間 (HKT): 2021.04.26 02:00

【本報訊】黃大仙慈雲山樂華街遊樂場的領角鴞貓頭鷹在樹上築巢繁殖,昨續引來大批龍友及市民拍攝,亦有11歲男童由爸爸陪同拿長鏡「打雀」。康文署架圍欄提醒市民保持距離,勿以強光照射貓頭鷹。

50龍友逼爆公園

昨早7時近50名龍友拍攝,分佔三處架腳架。連續兩日前來的李先生稱,清晨5時許已有10多名龍友搶佔有利位置,他剛到不久便有一、兩隻貓頭鷹BB探頭張望,露面半小時後又睡覺。

昨早11時有警員到公園巡視提醒巿民勿違限聚令。有八年影雀經驗的陳先生稱,昨早第二度來訪,「之前見到成鳥飛嚟飛去,跟住睇到佢孵蛋,啲仔出咗嚟,有六隻仔,呢個公園暫時見到有八隻貓頭鷹」。他說曾見有一、兩隻BB離巢,「未識飛,好似雞仔咁,慢慢爬返上棵樹個巢」。

一眾龍友中,拿長鏡的11歲Brian格外引人注目,讀小六的他原來已有三年「打雀」經驗。爸爸郭先生指兒子小四對拍攝雀鳥產生興趣,「佢有一次因為紅眼症返唔到學,就落公園攞住部儍瓜機四圍影,影影吓影到啲雀仔就覺得好得意,就開始(影雀)」。Brian透露早前因考試錯過拍攝罕見雀鳥彩䴉的機會,今次冀拍到貓頭鷹珍貴畫面。

一格照片,一個故事,Follow蘋果Instagram!
BannerBanner