「末代」考生︰殺科好可惜

更新時間 (HKT): 2021.04.27 02:00

【本報訊】連同今屆,文憑試通識科僅餘三次公開考試。有考生自言「都算末代考生」,對此大嘆可惜,讚通識課程環環相扣,「學到嘅嘢真係好多,冇咗真係太可惜」。

嘆以後只分達標與否

成為最後三屆通識科考生,盧同學感到可惜,因通識六大單元將被減半,不少很基本、有需要學的都未能傳承,「學完之後,你可能學識咗公民責任。」但將來學生開闊眼界和訓練批判思考的機會減少。

考生黃同學自言「都算末代考生」,往後此科只分達標與否,課程亦被大改,認為現時「通識成個課程真係好有趣」,由今日香港、現代中國、全球化等課題,「全部環環相扣,學到嘅嘢真係好多,冇咗真係太可惜」。

袁同學(圖)認為通識課程全面,往後學生相信會「學少啲」。最後兩年中學生涯都在疫情陰霾下度過,袁同學慨嘆「呢兩年對於我中學生涯失去太多」,稱最後兩年本應是有最開心的回憶,但最終運動會、歌唱比賽等都要取消,畢業旅行和謝師宴都不知能否舉辦,會把握同場應試機會與同學拍照留念,「好好珍惜大家仲有得相處嘅時間」。

一格照片,一個故事,Follow蘋果Instagram!
BannerBanner