李八方online︱月薪料達10萬 張進樂自稱工作係「行行企企」:行多啲自然知要做咩

更新時間 (HKT): 2021.04.28 17:38
張進樂話,徐英偉有提點佢,做政助得閒要多啲落立法會、喺走廊「行行企企」,就會自自然然知道要做啲咩。設計圖片

新任民政事務局政治助理、民建聯成員張進樂,未上任就被傳媒指佢同民政局長徐英偉有過合作關係。今日張進樂現身立法會時嗰陣就同記者講,自己嘅工作就係「行行企企」,總之行多啲就自然會知道有咩要做。

政府喺3月30日宣佈,年僅29歲嘅張進樂係代替今年初跳船嘅黎穎瑜,接任做民政局政助,月薪估計介乎7.5萬至10.5萬。上任前佢已經被指同徐英偉份屬黨友外,做政助前已經係徐英偉下屬,而家仲升呢做政助。

張進樂就話,佢之前除咗同徐英偉一齊出席過廿幾場「完善」選舉制度嘅解說會外,仲話原來徐英偉有提點佢,做政助得閒要多啲落立法會、喺走廊「行行企企」, 總之喺走廊多啲行吓,就會自自然然知道要做啲咩喎。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner