隔牆有耳:馬浚偉、柯創盛撐枱腳激情對話(李八方)

更新時間 (HKT): 2021.04.28 02:00
■柯創盛同馬浚偉相約食早餐,互相出po為對方加油。

藝人馬浚偉早前被瘋傳出任港台電視部高層,後來佢解畫話冇啲咁嘅事,佢只係為港台電台主持全新節目,仲講明唔會討論政治問題,點知噚日民建聯立法會議員柯創盛同馬浚偉都上載同一張兩人食早餐嘅相,自然又惹嚟不少猜測。

傾噪音問題

馬浚偉喺張相留言「快樂又充滿意義的早餐會,柯仔加油!」,柯創盛轉貼馬浚偉嘅po,並加多句「多謝馬仔!馬仔都要加油」,兩個咁啱傾,莫非馬浚偉或者港台同民建聯有大project搞?八方向馬浚偉了解,佢澄清話冇嘢搞,只係同柯創盛傾噪音問題,馬浚偉仲話雖然佢被鄰居噪音騷擾問題叫做搞掂咗,真係改善咗好多,但佢承諾咗其他市民幫佢哋嘅噪音問題發聲,仲話嚟緊會再同唔同人見面㗎!至於會唔會合作,馬浚偉話未知,如果真係幫到受噪音滋擾嘅苦主,都可以考慮吓㗎。其實𠵱家立法會有成90個位咁多,馬浚偉不如去選議員,咪可以自己出手解決囉。

李八方

一格照片,一個故事,Follow蘋果Instagram!
BannerBanner