食肆拒為錢屈從:人命嚟

更新時間 (HKT): 2021.04.28 02:00
■黃傑龍指會與員工商討疫苗氣泡計劃。資料圖片

【本報訊】政府以放寬晚市營業時間及入座人數作利誘,鼓勵食肆強迫員工注射疫苗。不過有食肆負責人認為,接種疫苗屬個人選擇,人命關天,難為員工因打針致死負責,寧願維持現狀,不願為增加營業額而冒險。

黃店藍店同樣不滿

消夜時段屬甜品店重要收入來源,不過,尖沙嘴一家甜品店主管馬先生表示,與老闆商討後,寧願忍痛放棄營業額,亦不會強迫員工打針,大嘆新措施「嘥氣」,並怒斥政府做法矯枉過正,「不嬲都話病毒唔係夜晚先出嚟,如果要打,咁點解唔係你一入餐廳就要打針?」政府容許食肆劃分區域接待打針及不打針食客,他認為政府只着眼大財團,「我哋咁細間,點劃分個區域出嚟呀?再細啲根本冇可能做到。」

黃店「桔梗」負責人Ivan曾詢問員工意願,均表示因擔心副作用,不欲接種疫苗,故決定維持堂食至晚上10時。他認為政府做法荒謬,「人命嚟,唔可能叫佢哋拎條命出嚟返工,患病都可能會好得返,但打(疫苗)係有機會即刻死。」

同是黃店的「開餐Dine Inn」老闆Eddy亦表示,放寬數小時對生意幫助不大。Joyful Dessert House負責人更得悉附近有「藍店」員工知道有關消息亦感不滿,因他們年紀較大,擔心接種後不幸死亡。

食肆員工須醫生證明方可豁免打針,叙福樓集團主席的黃傑龍表示,對有關安排感「頭赤」,需與員工詳細討論,「我上兩個星期講過唔可以逼員工打針,呢點係唔會變」,旗下食肆會維持營業至晚上10時,「要有足夠時間、同事商量,大家想唔想參加,先至知道有冇資格參加(疫苗氣泡),如果好多同事唔想參加,咁我都冇資格參加。」

一格照片,一個故事,Follow蘋果Instagram!
BannerBanner