港版國安法︱梁愛詩稱中共屬執政黨:應該尊重

更新時間 (HKT): 2021.04.28 18:18
梁愛詩今日出席一活動後,被問到叫喊「結束一黨專政」口號是否違反《國安法》的問題。資料圖片

支聯會提出逾30年的口號「結束一黨專政」,近日又被指違反《國安法》。前基本法委員會副主任梁愛詩指,若有關言論與行為結合,便可能違反《國安法》,她續指,中共是執政黨,「我哋對佢應該有個尊重」。

梁愛詩今日出席一活動後,被問到叫喊「結束一黨專政」口號是否違反《國安法》的問題。她表明,「如果啲言論係同埋其他嘅行為結合一起,咁可能違反《國安法》」,《國安法》同時提出4種包括分裂國家、勾結外國勢力等罪,「如果(叫喊結束一黨專政)唔係呢4樣嘢,本來一直用開嘅法律係適用嘅」。不過她亦表示,「睇吓佢嘅行為係咪只係嗌一個口號呢?所以唔係咁簡單一句答到你」。

為保國安限制自由合理

至於日後叫喊口號是否要尊重中共,梁就表示憲法約束香港,而中國的國家體制是中共領導的共和國,所以「呢個(中共)係執政黨嚟,當然我哋對佢應該有個尊重」,「任何言論如果對憲法違反嘅,咁我覺得都係唔應該做」。

至於警方突然以《社團條例》調查民間人權陣線,被指為收緊結社自由,梁愛詩則指,民主社會為保障公共秩序、國家安全等,限制一些自由也合理,認為自由是可以受限的。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner