疫苗氣泡︱黃店棄宵夜3成生意 維持4人一枱:應該政府員工全部打針

更新時間 (HKT): 2021.04.29 14:31

食衞局早前公佈以疫苗氣泡為基礎下將食肆分為A、B、C、D共4級,獲「放寬」的C和D級級別食肆堂食可分別延長至晚上12時和午夜2時,每枱人數分別放寬至6和8人,惟員工須接種一劑或兩劑疫苗,顧客亦須強制使用安心出行。記者今午(29日)巡視旺角多間食肆,未見有食肆貼出標明有C區的告示,多間黃店指會維持B級模式營業,質疑政府每每推出措拖只加重食肆經營困難。

旺角越興園負責人雪姐說會維持4人一枱,不會強迫員工打針,認為政策對生意幫助不大,「舖頭又唔大,條街又唔係好旺,到9點打後都冇咩人,我開到12點冇意思,同埋打針冇問題,員工要佢願意啦,但啲客點樣叫佢打針或者畀針卡我睇呢?」她又形容相關政策多餘,只能幫助酒樓或大型餐廳,質疑政府想市民打針應自行負責,不應轉嫁食肆,「佢自己唔負返個責任全民打針囉!唔好推啲責任喺我身上⋯⋯加重我哋負擔不特止仲一時一樣,無所適從」。

店主:有需要會為員工負責檢測費

同區有兩間分店的阿木台灣麵老闆娘Polly指,店舖會維持B類經營模式,直言以往營業到晚上11時半,如延長至12時「宵夜時段」雖可提升兩、三成生意,但不希望強迫員工打疫苗,「我們全公司都是反對的,因為不知道打完會不會有後遺症,所以不勉強他們,我自己也沒打,我很害怕」。

她質疑政府員工也沒有強制打疫苗,不應該每次都增加食肆經營要求,「可能真的疫苗來貨量太多沒有人去打⋯⋯申請簽證那些都很危險,也沒有全部的政府員工去打針啊,我覺得他們應該先執行,不應該是餐廳」。

她又指早前店舖自行花費1.5萬元加設兩新部空氣清新機,食環早前告知未來員工不打疫苗或要7日一檢,Polly直言未來如有需要會替員工負擔檢測費用,不會勉強他們打針。

咖啡店主:就算佢再迫 我哋仲有選擇做與唔做

Black coffee負責人許先生指,旗下三間店舖一直都維持晚上10時關門,故不會為了延長營業迫員工打疫苗,「如果有6人一枱梗係好,但咁耐4人一枱都維持到就唔想變......政府有啲嘢都好明顯,不過佢冇講出口啫,就算佢再迫,我哋都仲有選擇做與唔做」。

他質疑政府未有帶頭要政府員工如食環署巡查職員打針,「佢哋行得呢樣嘢理論上佢哋要帶頭,如果唔係點解要我哋去做先呢?」他指感謝員工現時自願花時間配合14日檢測,未來如要7日自費檢測,公司都會負擔。

學生吳同學認為,接種科興後死亡的個案感覺上較多,認為不應強制食肆職員打針,「安全最緊要囉,員工都擔心自己安全,正常人都唔會叫員工強制打疫苗」。被問到舉辦百人宴會客人需要打一針,吳笑言:「我諗我啲朋友會唔嚟囉,即係我擺酒得一枱...... 都擔心阿爸阿媽安全,都60幾歲,打完科興喜事都變白事。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner