同事指判囚司機「手車穩陣」

更新時間 (HKT): 2021.04.29 02:00
■涉事九巴目前停泊在大欖涌秤車站內,被劏開的車身仍令人怵目驚心。

【本報訊】被判四年刑期的九巴司機文志光,在死者家屬眼中,是一個罔顧乘客安全,鹵莽駕駛的車長;不過在同事眼中評價卻非常正面,甚至有人認為他是「模範車長」,對於他引發這宗嚴重意外,都覺得匪夷所思,形容其出事「就好似俾鬼上咗身咁」,感慨一次意外,後果嚴重。至於肇事車頂劏開的九巴,現時仍被扣留,毀爛不堪的車身依然怵目驚心。

形容肇事似「鬼上身」

涉事車長文志光駕車年資18年,尚有三年便屆60歲退休年齡,他是同事眼中「好司機」,有車長盛讚,「佢手車好穩陣,978呢條線,佢係咁多個車長裏面,手車最穩陣嘅一個。」

姓霍車長指曾乘坐文駕駛的巴士,指文駕駛時「唔會衝呀、飛呀嗰啲,好淡定。」他指,巴士載客百多人,車長「一定穩陣,係咪先?大家都唔明點解會發生呢單嘢⋯⋯你叫我哋點評價呢件事,就好似俾鬼上咗身咁。」面對四年牢獄生涯,他寄語文「振作」,「惟有係咁,可以點做吖⋯⋯雖然大家都唔想,但出咗事喇,可以點?」。

與文認識10多年的姓王車長亦指,「佢好好人,揸車又唔快,又冇乜脾氣」。另有車長指肇事位置過往確有很多大樹,若政府及早發覺改善,意外或能避免。

至於肇事九巴,事隔約一年半,目前仍停泊在大欖涌秤車站內,雖經年月風吹雨打洗禮,車上斑斑血迹早已不復見,但毀爛不堪的車身,在陽光照射下仍令人怵目驚心。

一格照片,一個故事,Follow蘋果Instagram!
BannerBanner