隔牆有耳:689擁躉張志剛 大鬧奶粉湯家驊(李八方)

更新時間 (HKT): 2021.04.30 02:00
湯家驊

日前行會成員湯家驊用魔鬼論公開撐特首林鄭月娥連任,仲話佢係最開放特首,自然令其他有心人同佢哋支持者唔高興,好似堅定梁粉張志剛就撰文反擊湯狀,先鬧將特首比喻為魔鬼是否合乎政治倫理?又話林鄭係咪最開放特首,唔係湯大狀說了算,仲扯到湯大狀讚林鄭用人比歷屆政府開明,有否符合愛國者治港原則?

「形容老闆魔鬼合乎政治倫理?」

前特首梁振英時代嘅行會成員張志剛噚日喺《明報》撰文鬧湯,先質疑湯「形容他的政治老闆為『魔鬼』,是否合乎政治倫理?」又唔滿意湯提到「the devil you don’t (know)」,係咪指其他有能力問鼎特首嘅人先?

對於湯大讚林鄭,張更唔認同,話𠵱家唔係做選美評判,唔係你湯大狀講句我鍾意就說了算,更質問湯口中林鄭開放標準何在?「是比較和反對派的領頭人『攬頭攬頸』,還是比較『把酒言歡』,抑或比較對反對派團體『慷慨解囊』?」

張志剛搬埋港澳辦夏寶龍強調「愛國者治港」原則嘅言論,質問湯「口中的『開明派和民主派』是否符合夏寶龍講話中『愛國者』的標準?」其實梁粉同奶粉玩口水戰冇意思,北京想邊個做先係最重要。

李八方

一格照片,一個故事,Follow蘋果Instagram!
BannerBanner