氣泡首日 C區疏落 D區無影 
食客多揀四人一枱 酒家斥指示亂

更新時間 (HKT): 2021.04.30 02:00

【本報訊】以注射疫苗和掃安心出行為基礎的疫苗氣泡急上馬,首日僅有零星酒樓合資格成為最多六人一枱及堂食至午夜12時的C類食肆,惟不少顧客拒用安心出行,最終「拍烏蠅」。至於最多八人一枱、員工要接種兩劑疫苗的D類食肆更未見蹤影。為求趕及迎接下月母親節的「小陽春」,業界傳出已打兩針疫苗的「炒散」員工成為搶手貨,人工叫價高一成,打針成生財工具。

位於尖東的酒樓龍圖閣劃分B區及C區,負責人陳強指C區午市入座率是零,同時B區爆滿,稱「有啲人唔想等位就走咗」。他估計不少上班族可能已習慣四人一枱、同事之間亦不介意分枱坐,年輕顧客普遍亦抗拒使用安心出行,故C區沒有客人。

食環署要求食肆張貼平面圖區分不同區域,陳強批評當局指示混亂,令業界感到無所適從,「B區太多人又可唔可以擴大?呢區唔夠人又可唔可以縮?咁混亂,有啲長者經營嘅小店可能仲難適應。」

譽宴主席:難定平面圖

尖沙嘴譽宴.星海同樣以膠板劃分B區及C區,C區約有十張枱,最多六人一枱,其餘約40張枱最多可四人一枱。午飯時間,B區座無虛席,C區則只有六、七成滿。

譽宴集團主席張家豪指首日運作「有啲棘」,暫時未能按食環署的要求製作店內分區平面圖。他解釋酒樓不同時段的客流有異,難以只用一個平面圖「劃死」不同區域,「早茶好少六人飲茶,但中午又多啲六人寫字樓客,到下午茶又變返三、四人一枱嘅家庭客,根本冇可能整張floor plan出嚟。」

本報記者昨巡視尖沙嘴一帶食肆,未見有餐廳設立D區。本報曾向食環署查詢D類食肆數目,截稿前未有回覆。記者亦以顧客身份致電美心皇宮、鴻星中菜等酒樓預訂母親節八人枱,職員均指暫時能安排四人一枱。

接種疫苗初衷由防疫變為影響吃喝玩樂的因素,若食肆員工打齊兩針,食肆可升格為D類食肆,宴會人數增至100人。距離母親節尚餘約兩周,業界隨即傳出已打兩針疫苗的兼職員工成搶手貨,叫價高一成。

打兩針員工日薪叫高一倍

叙福樓主席兼行政總裁黃傑龍表示,未有聽聞有食肆出高價聘請打兩針的員工,但認為不出奇,「不過佢首先要搵到D(類)嘅餐廳先得」,暫時未見有符合條件的食肆。

現職兼職廚師的飲食業職工總會名譽會長郭宏興指,有聽聞接種兩劑疫苗的侍應或廚師可叫價較高,「江湖傳聞,講就係咁講」。但他對此傳聞有保留,因疫苗氣泡才剛實施,市民需時適應,「仲要睇吓有幾多人預訂酒席」。他認為疫苗氣泡對酒樓生意有否起色要下周才反映得到,人手需求也一樣。

郭宏興指每逢節日酒樓食肆都多聘兼職工,如母親節等,日薪也較高,如平日兼職廚師日薪約800至900元,節日就高約一至兩成,約900至1,000元。他指,過往經濟好,遇上大節日時,兼職廚師時薪一度高達120元,較平日多出一倍。

一格照片,一個故事,Follow蘋果Instagram!
BannerBanner