變種病毒︱外傭工會料逼爆周日檢測中心 憂強制打針將令大批傭工失業

更新時間 (HKT): 2021.04.30 18:58
香港亞洲家務工工會聯會主席阿釘批評,全港有近40萬名外傭,不可能在下月9日前完成檢測,且外傭在周一至周六亦要工作,只有周日的假期有時間做檢測,相信周日的檢測中心將會變得人頭湧湧,或要輪候很長時間。本報記者攝
(蘋果日報)

有菲傭日前被驗出帶有N501Y及E484K變種病毒基因,源頭不明。政府今日召開記者會,食物及衞生局局長陳肇始指,全港所有外傭在5月9日前強制檢測,已打2針疫苗及已過14日的外傭可獲豁免,今日已檢測的外傭亦不需再檢測。勞工及福利局局長羅致光則指,日後外傭申請工作簽證將加入新要求,包括要先打疫苗才可獲續約。

對於全港外傭下月9日前要強檢,香港亞洲家務工工會聯會主席阿釘批評,全港有近40萬名外傭,「有冇可能9號之前做晒?你話有冇可能?淨係得1萬人就可能得嘅」。她指,外傭在周一至周六亦要工作,只有周日的假期有時間做檢測,「我哋打緊工㗎喎,要睇住細路、煮飯,僱主都未必畀我哋去」,相信周日的檢測中心將會變得人頭湧湧,或要輪候很長時間。

外傭多年紀大有長期病難打針

至於續約前要打疫苗,阿釘指,疫情重挫全球,大部份外傭的家鄉,即菲律賓、泰國等都很多人失業,依靠外傭來港工作養家維生,但坦言擔心此舉將會令大批外傭失業,「特別係泰國嚟嘅外傭,年紀好多都係50 up(50歲以上),有啲有糖尿、年紀大真係唔敢打」。

她續指,自己了解政府的防疫目的,但認為施政過於混亂,亦不夠「貼地」,「諗到乜就講乜,冇睇過個情況,睇吓有冇真係做得到先」,亦批評政府在推出這些新措施前,完全未有與業界討論。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner