譚凱邦妻po合照:盼可再拖住你

更新時間 (HKT): 2021.05.01 02:00
■譚凱邦太太在fb上載2.28陪丈夫往警署報到途中的牽手背影照片。

【本報訊】47名民主派人士因為參加初選被控違反國安法下串謀顛覆國家政權罪,至今只有11人獲准保釋,還柙人士的親友不時前往探望。譚凱邦太太昨日在facebook更新丈夫的近況,指他近來「食私飯食到肥咗,褲都要着大一個碼」,並上載一張2.28當日她陪同丈夫往警署途中行經荃灣港鐵站外,友人拍攝二人背影的照片,留言「希望不久將來可以再拖住你」。快必譚得志同樣關心伙食問題,直言「仍然可以揀食齋定唔食齋,都已經係感恩」。

譚凱邦太太稱回想近兩個月來的生活,時間過得很快,過着每星期千篇一律的生活,「可幸是我好快就已經習慣咗老公唔喺身邊嘅生活,可能我一向都係好獨立嘅人,佢又忙,除咗3月頭喊咗幾日之外,情緒好快又恢復正常,可以如常過日子,同朋友談天說地」。

「食私飯肥咗一個碼」

她指譚凱邦在獄中生活如常,「譚生都冇咩,係食私飯食到肥咗,褲都要着大一個碼,我笑咗佢好耐」。她還向支持譚凱邦的朋友致謝,「多謝大家寫嘅信,幫佢解悶,當然更加要多謝各位好友呢兩個月嚟日日無間斷幫忙攝位探訪,感激大家」。她表示,「我會努力做好盤生意,希望等你出嚟可以養返你啦」,正能量地等待丈夫歸來。

快必譚得志同樣關心伙食問題,跟探望的朋友說「𠵱家食緊私飯,雖然只有兩種選擇:齋或唔齋,已經算係唔錯,雖然一日三餐茶餐廳,但係點都正過阿公飯嘅」,又指「最重要都係食得瞓得屙得同笑得」。

一格照片,一個故事,Follow蘋果Instagram!
BannerBanner