酒樓體恤老夥計 寧做B類

更新時間 (HKT): 2021.05.02 02:00
■倫敦大酒樓聘用不少年長員工,酒樓無意強迫員工接種疫苗。王子俊攝

有集團式經營的酒樓早前宣佈要求所有員工強制接種疫苗,以換取將酒樓轉為C類模式經營,可以六人一桌並經營至晚上12時,但兩間逾40年歷史的老字號食肆都顧及年長員工意願,沒有強迫員工打針。

「一把年紀 監佢打佢退休」

位於油麻地廟街的興記菜館主要做晚市消夜生意,以往遊客佔生意額一半,負責人陳小姐說,自去年疫潮開始後訪港旅客消失,今年新年前佐敦多次封區,令生意一落千丈,佔地六個舖位的菜館租金負擔最大,生意額不夠交租,上周四店內亦只有三成客人。C類模式有吸引力,但因為員工大多是50、60歲的中老年人,「我哋舖頭啲夥計都一把年紀,你監佢打,佢啲仔女寧願佢提早退休,冇人肯用條命博嚟搵份工嘅」,因此興記仍沿用B類模式。

陳小姐說,客人多數是兩位或四位,即使放寬至六位一桌也不大影響,反而是現時只能開至晚上10時才是致命傷,「因為𠵱家啲人食飯時間推後咗,7點幾8點先有客,推遲食飯,9點幾就開始少人,你收10點佢都趕唔切,只可做到一轉晚飯,如果畀我做到12點,起碼做多兩轉,成晚可做三轉,𠵱家只可做一轉」。

有42年歷史的旺角倫敦大酒樓同樣因員工年紀大而選用B類模式,負責人蘇萬誠說,酒樓聘用的推點心姐姐接近65至70歲,「40個賣點心得兩個打咗針」,全公司200名員工亦只有35%人接種疫苗。酒樓主要收入為社團、商會大型宴會,最多可以擺過百圍,即使轉為C類,宴會亦只能招呼20人,無法回復宴會生意。

蘇萬誠說,有熟客反映如果劃分B、C兩類用餐區,可能會無法坐回坐慣的座位,「星期六、日同假期,C類會有啲增長,但得兩日我費事勞民傷財啦,啲客人又唔適應,夥計又要勉強打針或者寫醫生紙,所以都係做返B類啦」。

一格照片,一個故事,Follow蘋果Instagram!
BannerBanner