荃灣封區︱荃威花園R座先強檢後撤離 居民怒斥多餘又混亂:呢度隔離咪得囉!

更新時間 (HKT): 2021.05.05 21:56

荃灣荃威花園R座一名44歲菲傭確診,帶有N501Y變種病毒,暫定為可能本地個案。由於患者住在荃威花園R座較長時間兼帶變種病毒,衞生署下午於記者會上宣佈,所有R座居民需要撤離,送往檢疫21天。政府晚上7時半亦發封區強制檢測公告,宣佈R座全座大廈居民須留在其處所並接受強制檢測。政府目標是在明日(5日)上午約7時完成此行動。荃灣區議員趙恩來指,據他所知,現時是「先檢測、後撤離」,全幢大廈居民將於周三早上10時才會撤離。

有剛出外準備回家的市民以為要撤離後聞言後大驚,「唉!大鑊,上去執嘢喇!」,亦有市民馬上帶備一大袋物品離開大廈「大逃亡」。有不少居民認為,強制檢測已很足夠,沒有必要全幢大廈撤離,批評此舉相當擾民,「係多餘嘅,如果係好似淘大嗰陣咁,一睇都睇到啦!」

撤離行動逾12小時後仍有約200人滯留

晚上近10時,荃威花園R座居民已陸續撤離,坐上旅遊巴前往隔離營。有行動不便的長者需坐上輪椅,由醫療輔助隊協助撤離。

撤離行動已超過12小時。荃灣區議員趙恩來指,據知現時有約200人仍未撤離,部份居民相當鼓躁,「有啲話(下午)3點走得嗰啲,到而家都未走到,啲人就落曬去個大堂度嘈⋯⋯總之而家邊個嘈就走得先」。

荃威花園管理處昨日已貼出緊急通告,指R座發現新型冠狀病毒緊密接觸者個案,故已即時加強消毒及清潔;今早亦有身穿全套保護裝備的清潔人員到R座消毒。衞生防護中心傳染病處主任張竹君今(4日)在疫情記者會上表示,確診的44歲外傭帶有N501Y變種病毒,或屬本地個案。訪名外傭居於荃灣荃威花園R座27樓,全幢大廈居民要撤離檢疫21日。

政府晚上7時半刊憲,將荃威花園R座封區強制檢測,料周三早上7時完成。封區內人士如在5月2日至4日期間已進行檢測,並能出示檢測結果電話短訊或相關證明,毋須再次接受檢測,但須在其處所等候,直至區內所有已識別的受檢人士完成檢測,而相關檢測結果亦已獲大致確定,方可離開其處所。此外,根據今日發出的強制檢測公告,任何人於4月21日至5月4日期間曾身處R座超過兩小時,即使在宣告開始生效時不在封區區域內,亦須在6日或之前接受強制檢測。

不過,荃灣區議員趙恩來指,據他所知,現時應是「先檢測、後撤離」。由於政府宣佈於晚上7時30分起將荃威花園R座列為受限區域,所以居民必須做檢測。有民政事務署人員到場,開始搭起檢測亭。保安人員在大廈的玻璃門片外牆貼上黑色膠袋做遮蓋。警員在大廈外貼上強制檢測的公告。至晚上近10時,民政事務署人員以多塊圍板圍封檢疫站及物資站,令傳媒難以拍攝檢測情況。

居民事先將寵物送寵物店寄養

記者於下午4時半到達荃威花園,有正準備回家的市民收到消息後「大驚」,「哎呀,走硬喇走硬喇,上去執嘢喇!」有多名市民帶備一大袋日用品「逃離」大廈,亦有居民手持兩個大行李箱,回到大廈收拾行裝。有市民心灰意冷表示,「一早估到要撤離,但我唔想做訪問,我心情唔係太好。」不少人亦馬上將寵物送到寵物店寄養。

居住R座23樓、不願具名的女士指,自己從兒子口中得知消息,由於事出突然,只買了數個麵包作明天早餐。她對隔離營的環境非常擔憂,「我見報紙賣過入面啲環境好曳呀嘛!食嘢嗰啲又係」,亦擔心隔離營內可否洗衫,「唔通我要帶夠21日衫去呀?」

斥撤離「多餘」 強制檢測已足夠

被問到認為是否有撤離檢疫的需要,她指認為強制檢測已十分足夠,「你咪最多叫你7日再檢多次囉!比較好啲囉!咁啲人唔使個個都騰騰雞雞咁,而家都唔知點搞」。她指,自己是退休人士,但兒子剛剛有新工作,擔心隔離21日會對他工作有影響,「你咁樣強制入咗去係咪真係有好處呢?」

一家六口、做運輸業的姚先生居住於35樓,笑言「自己一家六口,走唔甩㗎喇」。姚指不太擔心,「件事(疫情)都醞釀咗成年啦!」但他批評政府撤離整幢大廈是「多餘」,「你去嗰邊為咩啫,隔離呀嘛,咁我哋喺返呢度隔離咪得囉!」他指,並不擔心是渠管傳播,「當年嘅淘大就係啫,而家你一望都知會唔會啦」。被問到對工作有否影響,他坦言「話無影響就呃你啦,我有3個細路,細路仔全部返唔到學」,認為措施擾民。

「成件事好messy(混亂)!」

居住28樓的黎小姐剛下班回家,馬上問保安有關現時的安排。她形容整個安排極混亂,「成件事好messy(混亂),我都係睇媒體先知啲消息,但唔係喺政府啲公告度睇到就有啲confuse(混淆)囉,因為我同老細講係要跟政府啲規條㗎嘛」。

黎坦言,自己都的確擔心染病,但覺得並無需要全幢大廈撤離,「始終喺自己屋企,你可以唔落街或者點樣,但你去到一個新環境,你點知上一手係點樣呢?咁我瞓覺都要除口罩㗎」。為準備撤離,黎已大力購入大量衞生用品、牙刷等日常用品,「我連入面咩環境都唔知,淨係上網睇過啲相。」

「21日我冇得返工㗎嘛!」

於港大工作的文小姐指,自己於上班期間得知消息,馬上通知上司,「我反而係擔心之前點,因為呢21日我冇得返工㗎嘛!」她指,事出突然,自己亦來不及購買物資,「我都想知而家點呀」,笑指她的母親非常着急,「係咁問我要唔要乾糧,應該想拎晒佢屋企有嘅餅乾畀我」。

對於是否有需要撤離檢疫,文認為「暫時唔需要全幢走,但因為佢(政府)話係變種,咁如果佢話要都冇辦法」。

居住9樓的顧先生帶着飼養了13年的愛狗外出,「帶佢去寵物店(寄養)呀!」他指,自己不擔心疫情,「佢叫到我(撤離)咪做囉!」但認為沒有必要全幢撤離,「佢(外傭)都係(住)高層咋嘛,都唔關低層嗰啲事」。

區議員批政府「彈出彈入」 居民無所適從

荃灣區議員趙恩來斥,是次政府安排「彈出彈入」,令居民無所適從,「我個電話冇停過響」。趙批評,政府今午通知他,居民或要做強制檢測,更與民政事務署人員尋找地方做檢測站,惟張竹君卻在記者會表示,居民必須要撤離,「但去到(夜晚)7點鐘,一睇張公告又唔係咁寫,公告又話我呢度封區喇⋯⋯究竟而家發生乜嘢事?唔好話居民,我自己都未知。」

趙指,自己曾向在場的民政專員查詢最新情況,「佢乜都唔講,淨係話呢度係圍封區域,叫我走,呢度係冇人話到事,亦都冇人知想點,淨係知大家要set(擺放)定啲嘢。」

他表示,其實街坊願意配合政府政策,「你話畀佢聽未來21日出唔到去嘅,咁咪同公司請假、同學校請假」,加上不少居民可能面對要改期接種疫苗、尋找親友照顧寵物、盆栽等,「好多呢啲一連串嘅問題,但你首先要話畀居民聽,你究竟想點?」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner