荃威封區再檢疫21日

更新時間 (HKT): 2021.05.05 02:00

【本報訊】荃灣荃威花園R座一名44歲菲傭確診,帶有N501Y變種病毒。港府以「先檢測、後撤離」方式封區,要求居民昨晚先強制檢測,今早再撤離檢疫21日。居民怒斥安排混亂、多餘,認為原址隔離已足夠。

衞生防護中心傳染病處主任張竹君昨午宣佈,所有R座居民需要撤離,送往檢疫21天。港府昨晚7時半突發出封區強制檢測公告,宣佈R座全座大廈居民須留在其處所並接受強制檢測,目標是今早約7時完成。

居民聞風逃離大廈

記者昨午4時半到達荃威花園,有正準備回家的市民收到消息後「大驚」,「哎呀,走硬喇走硬喇,上去執嘢喇」。有多名市民帶備一大袋日用品「逃離」大廈,亦有居民帶兩個大行李箱回到大廈收拾行裝。有市民心灰意冷表示,「一早估到要撤離,但我唔想做訪問,我心情唔係太好」。不少人則立即將寵物送到寵物店寄養。

居住R座23樓、不願具名的居民指事出突然,只買了數個麵包作早餐。她對隔離營的環境非常擔憂,「我見報紙賣過入面啲環境好曳呀嘛,食嘢嗰啲又係」,又擔心隔離營內可否洗衫,「唔通我要帶夠21日衫去呀?」被問到認為是否有撤離檢疫的需要,她認為強檢已足夠,「你咪最多叫你七日再檢多次囉,比較好啲囉,咁啲人唔使個個都騰騰雞雞咁,𠵱家都唔知點搞」。她指自己退休,但兒子剛有新工作,擔心隔離21日會對他工作有影響,「你咁樣強制入咗去係咪真係有好處呢?」

居住28樓的黎小姐形容整個安排極混亂,「成件事好messy(混亂),我都係睇媒體先知啲消息,但唔係喺政府啲公告度睇到就有啲confuse(混淆)囉」。黎坦言擔心染病,但覺得無需要全幢撤離,「始終喺自己屋企,你可以唔落街或者點樣,但你去到一個新環境,你點知上一手係點樣呢?咁我瞓覺都要除口罩㗎。」為準備撤離,黎已大量購入大量衞生用品、牙刷等日常用品。

一格照片,一個故事,Follow蘋果Instagram!
BannerBanner