fb紀念拍拖 阿廷:定會再牽你手

更新時間 (HKT): 2021.05.06 02:00
■林卓廷fb前日貼出與妻子合照。

【本報訊】47名民主派人士因參與初選被控顛覆國家政權罪,僅11人准保釋。民主黨前副主席林卓廷fb小編前日發文,紀念他與妻子拍拖周年,「喺重聚之日,必定會再緊牽你手,地老天荒」。譚凱邦太太則指,家中愛犬左腳膝關節發炎,要定時食藥和休息,「你生生性性等埋你爸爸出來呀。」

林卓廷fb小編發帖文,題為「老婆,拍拖周年日快樂」,並上載林與妻子的舊合照。林於中二時邂逅妻子,花五年追求,至高級程度會考最後一天,「佢邀請女同學同佢共晉午餐,儘管成敗難料,佢都選擇咗喺去餐廳嘅途中拖住女同學嘅手,結果一箭即中鵠,兩手自此不分。」林表示:「感謝你,20多年前畀我牽着你手,從此相依相伴。今日雖然我哋被高牆阻隔,但我喺重聚之日,必定會再緊牽你手,地老天荒。」

袁嘉蔚預祝母親節快樂

譚凱邦太太於其手工皂網店fb專頁發帖指,愛犬河小姐後腳突然行得好差,獸醫為其照X光後,證實左腳膝蓋關節發炎、髖關節退化及尾龍骨有骨刺,為牠注射骨針,處方一星期消炎止痛藥,愛犬亦需困籠兩周休息,下周二覆診及打骨針。「雖然我係窮L,如果錢可以解決到嘅就唔係問題,大姐你真係唔好再嚇我喇好嗎,你生生性性等埋你爸爸出來呀。」

南區區議員袁嘉蔚團隊指本周日為母親節,團隊將聯同另一南區區議員黃銳熺於當日下午,在田灣石排灣道派發DIY心意小品,指嘉蔚雖身陷囹圄,「亦不忘託團隊向各位預祝大家母親節快樂,如果大家有空也記得寫信畀嘉蔚啊。」

一格照片,一個故事,Follow蘋果Instagram!
BannerBanner