疫情︱港大骨科醫生方欣碩可提早放「疫監」 嘲檢疫大龍鳳畀人知有幾衰 放寬後可鼓勵市民打針

更新時間 (HKT): 2021.05.07 20:53
方欣碩直言,新措施可以鼓勵更多市民接種疫苗,「佢(政府)搞咗咁多大龍鳳有好處,畀人知入『集中營』有幾衰、放出去有幾好,打咗針唔使咁差,可以鼓勵多啲人打針」。資料圖片

政府今午公佈放寬檢疫措施,日後大廈有確診者帶變種病毒,同一幢大廈居民不需再入檢疫中心,只需於指定日子接受強制檢測;而密切接觸者完成接種兩劑疫苗,可以縮短檢疫中心檢疫日數甚至家居檢疫。正在竹篙灣檢疫中心的豪峰住戶、港大矯形及創傷外科學系臨牀副教授方欣碩直言,新措施可以鼓勵更多市民接種疫苗,「佢(政府)搞咗咁多大龍鳳有好處,畀人知入『集中營』有幾衰、放出去有幾好,打咗針唔使咁差,可以鼓勵多啲人打針」。

方欣碩一家4口前日起入住竹篙灣檢疫中心,原要隔離21日,現在可提早「放監」。他相信今次政府突然放寬檢疫措施,不再將有變種病毒確診個案的同一幢大廈居民遷入檢疫中心,是因人手、配套、檢疫中心設施都不勝負荷,「頂唔順要放寬,擺明咁樣隔離好低效率」。

他直言,提早「放監」並非最重要,「住『集中營』濕濕碎,大把人住劏房環境仲差」。現時疫苗接種率低,放寬檢疫措施可以鼓勵更多市民接種疫苗,「再鬧佢(政府)都冇意思,寧願多啲人接種疫苗」。他自己已接種兩劑復必泰,也不諱言不少市民因不信任政府而拒絕接種疫苗,「政府叫你做嘢會覺得係害你,因為唔信任政府,雖然有啲嘢係啱嘅」。

他又指,入住檢疫中心的安排很混亂,當日在家中等了一整日才入檢疫中心,現時又不知何時「放監」,感到少許憤怒,提早「放監」可以早些恢復醫院工作。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner