變種病毒︱映灣園檢疫居民帶唔夠藥 隔離營駐診醫生懶理:政府唔會幫你配嗰種藥

更新時間 (HKT): 2021.05.07 22:34
東涌映灣園第11座早前出現帶有變種病毒株的確診個案,全幢大廈住戶須強制檢疫21天。本報記者攝

東涌映灣園第11座早前出現帶有變種病毒株的確診個案,全幢大廈住戶須強制檢疫21天。有正於竹篙灣檢疫中心的居民向《蘋果》表示,自己曾進行「通波仔」手術,每天要進食6種不同藥物,惟未有攜帶足夠藥物入隔離營,向醫療中心要求配藥;然而,隔離營的醫生表示沒有他所需的藥物,「話政府亦都唔會幫我配嗰種藥」,更建議他服食一些藥效較低的藥物代替,「而我亦都要自己去試呢種藥物啱唔啱我食囉」,批評做法極不人道。

陳先生為東涌映灣園悅濤軒第11座居民,早前一家五口被送到竹篙灣檢疫中心強制檢疫。他於前年曾進行冠狀動脈介入治療術,即俗稱「通波仔」的手術。手術後,他每天均要服食6種藥物,包括胃藥及膽固醇藥。

建議以藥效較低藥物代替

陳指,於上月30日得知要入隔離營時,由於事出突然,政府亦隨即禁止居民外出,不能馬上配藥,惟家中未有足夠服食21日的藥物,「我只能夠屋企有幾多就拎幾多」,他遂向隔離營內的醫療中心要求配藥。然而,中心的駐診醫生指,並沒有他所需的藥物,「亦都話政府係唔會幫我配嗰種藥」,只建議他以一些藥效較低的藥物代替,「而我亦都要自己去試呢種藥物啱唔啱我食囉」。

幸得朋友幫忙不致「斷藥」 相信事件屬冰山一角

陳續指,最終幸好找到朋友到私家診所配藥,再帶到隔離營才不需「斷藥」,但批評做法極不人道,「對我嚟講梗係無可能,我無理由無端端食開嘅藥,又走去咁樣試」,亦擔心藥物會引起副作用。他亦指,相信事件只是冰山一角,「個駐診醫生同我講,每日都有10幾個呢一類咁嘅問題」,而映灣園亦有不少長者居住,擔心他們被隔離時,亦未能獲得適切的配藥安排。

對於隔離營的其他安排,陳先生怒指,不少街坊已在WhatsApp群組中大吐苦水,更有街坊因身體不適送院求醫,「佢等咗2個鐘頭先去到北大(北大嶼山醫院)睇醫生」。然而,看醫生後又需由政府專車送回竹篙灣檢疫中心,「我哋呢班被檢疫嘅人就好似變咗怪獸咁,喺北大出面間咗個位,畀我哋坐喺度等」,結果送院的街坊在烈日當空之下乾等了11小時,才可回到隔離中心,「冇水、乜都冇,喺度餵蚊,呢個咪就係政府嘅安排囉」。

街坊嘆求助駐場民安隊冇用

陳亦表示,檢疫制度亦反映政府的官僚制度。他指,隔離中心由民安隊在場管理,然而街坊有求助時,民安隊隊員會着他們向衞生署求助,「佢會話我哋under(隸屬)衞生署,即係我同佢哋講咩都係冇用」。被問到衞生署有否提供求助熱線,陳指,自己只能致電「1823」熱線,但曾向衞生署留言多次,至今仍未有任何回覆,「班高官真係好離地,佢哋係唔會知道我哋隔離嘅人有幾慘」。

涉變種個案大廈日後只須強檢 指映灣園居民有如「白老鼠」

近日多幢大廈均因發現變種病毒確診個案而要被送往隔離,陳認為此舉並無必要,「最少你話畀我聽,個菲傭你有冇見過、接觸過,如果我有我就覺得係必須……但我連係邊個都唔知,我就覺得好唔人道」。對於政府今日(7日)宣佈,未來有變種病毒個案的同幢大廈居民只須強檢,他認為是政府「補鑊」之舉,「因為佢已經承受唔到,幾個檢疫中心都爆晒煲,映灣園已經有千幾戶,荃灣又幾百戶,你再咁玩落去就有鰂魚涌、柴灣,已經承受唔到政府呢個安排」,亦認為映灣園居民有如「做咗白老鼠」。

衞生署回覆《蘋果》查詢指,檢疫中心有24小時的醫療支援,檢疫人士如有需要,可透過民安隊聯繫醫療隊跟進,亦可透過民安隊接收由外間送來包括藥物等的必要物資。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner