郭偉强不滿胡盡孝 網民轟冇人性

更新時間 (HKT): 2021.05.08 02:00
郭偉强

【本報訊】高等法院批准被還柙的民主黨前主席胡志偉短暫保釋,為父親奔喪,工聯會立法會議員郭偉强隨即在社交網站不點名批評胡志偉,指他背祖忘宗,「賣國求榮的人講盡孝,都一樣難聽過粗口」。網民隨即批批評郭偉强人性泯滅:「你都有父母同子女,點解你真係可以咁無人性?」

羅健熙:帖文是「人格證明」

胡志偉能獲短暫保釋以奔喪的裁決一出,郭偉强在網上留言暗示胡志偉獲保釋:「講乜都無用,法官批准了,但係辛苦咗懲教同事。背祖忘宗,賣國求榮的人講盡孝,都一樣難聽過粗口」。民主黨主席羅健熙在網上反駁,質疑「盡孝,原來都有國土、種族之分」,認為郭的帖文是其「人格證明」。

大批網民在郭的帖文下留言。有網民重提郭偉强疑似於立法會房屋事務委員會疑似一邊駕車、一邊使用zoom開會,涉嫌違反《道路交通條例》:「反正你開車都用zoom,你第日父母過身咗都用zoom啦,幾環保」、「積下口德啦……風水輪流轉,你𠵱家好彩無事無幹,今日唔知明天事,第日你可能仲大鑊過佢,一切都有因果、報應!」

一格照片,一個故事,Follow蘋果Instagram!
BannerBanner