致祭街坊:唔好去得咁盡,有報應㗎

更新時間 (HKT): 2021.05.08 02:00
李先生

【本報訊】民主黨前主席胡志偉父親的喪禮昨在鑽石山殯儀館舉行,晚上設靈,今日出殯。正還柙的胡志偉昨終獲高院法官批准短暫保釋外出,出席父親喪禮。有市民直言子女親身到場奔喪是天經地義,揶揄「林鄭都要送啦,唔通佢鍾意咁樣(視像)送法呀?」其後親友街坊陸續到場致祭,有市民狠批當局失當,「法官批准咗,應按時間畀人哋好好做喪事,搞到其他人仲早嚟過胡志偉,胡志偉個心都唔好受囉,家人都好無奈啦,何必咁樣啫!」

胡父靈堂門外掛有兩個白燈籠,寫上「胡府」兩字,靈堂中央掛起「福壽全歸」橫匾。其後支聯會及政界中人送來花牌,也有市民街坊以「同路人」、「香港人」、「一群感謝胡志偉堅守良知的普通市民」等名義送來花牌。

「邊個唔會送爸爸最後一程」

對胡志偉至昨早才獲准外出送別亡父,巿民李先生稱:「畀啲人道咪好囉,邊一個做仔女唔會送自己爸爸最後一程吖,唔可以不近人情,做人唔好去得咁盡,有報應㗎」;亦有巿民不贊成讓胡奔喪,「呢個係有危險嘅人嚟,佢仲有好多支持佢嘅人嚟搞事,喺安全問題係唔應該畀佢出嚟,我覺得唔啱,法庭判得唔好」。

一格照片,一個故事,Follow蘋果Instagram!
BannerBanner