母親節︱疫下留港消費 花墟食肆生意旺 基隆茶餐廳玫瑰贈客:有啲細路喺入面 畀啲鼓勵佢

更新時間 (HKT): 2021.05.09 16:22

母親節(9日)正日,旺角花墟中午已擠滿人,人人手上一束束鮮花,做個孝順仔女向媽媽送上心意。花店認為正日生意尚可,與往年差不多,認為港人無法出外旅遊,反而成為在本地消費誘因;點心店、泰菜舖等中型食肆更訂枱爆滿,旺角基隆茶餐廳更訂購一批比利時玫瑰,送給來光顧的每位母親。負責人Cat姐指:「有啲細路喺入面(囚中),媽媽自己喺出面,我哋真係做唔到啲咩,惟有靠我哋畀啲鼓勵佢。」

花墟人頭湧湧撲花

旺角花墟眾多張年輕面孔,越晏越奔波揀花贈媽媽。在職人士謝先生廿多年來首度買花贈母,他指,出門前做足資料搜集,選了一束總值780元的黃紫雙色牡丹襯康乃馨,作為媽媽的驚喜禮物:「佢唔知㗎!一陣直接送上屋企。本身係一齊住,但我今朝扮出門口有嘢做,而家再返去。」

謝指,本來想帶媽媽及家人出外吃飯慶祝,惟限聚令下,一枱坐不下家人,又不想在家吃變相令媽媽又要下廚花工夫,故先贈花答謝養育之恩。

父子同揀花 丈夫感激妻子疫下照顧家人

余氏兩父子一同買花給媽媽,選了束粉紅色玫瑰花,馬上在街角影相「打卡」。余先生指並非驚喜,但今年母親節則特意想送花,「辛苦囉,要睇住兩個細路仔網課,好多因疫情而出現嘅事要處理,佢仲要返工,好辛苦,所以好想多謝佢」。就讀三年級的余同學則指上次送花是媽媽生日,最重要是「媽媽鍾意」。

學生陳小姐則與媽媽把臂同遊花墟,手上多束不同種類的散裝鮮花。陳指,昨已將親手紮的鮮花贈媽媽,今日則是陪媽媽再買花,紮好送給其他親友,預計每紮約300至500元,「都係同佢一齊玩,佢鍾意玩(紮花)就陪吓佢,都係想一齊有母親節活動。本身仲約咗佢食飯,但佢太忙,甩我底」。

無加價料生意增:未到中午都賣清

花店店員鄭太認為,今年母親節生意不錯,主因是港人無法出外旅行,故留在香港增加消費意欲。對於出街食飯受限聚令影響,鄭指:「屋企食囉,一樣咁開心,媽媽做多啲有咩所謂,做畀仔女食係好開心嘅事,仔女返嚟食飯就開心啦!」她無法預計生意,但指今年清淡顏色、「爆炸性」的紅色鮮花也受歡迎。

花墟街角花店負責人May姐則指,最近疫情放緩,而花價無加,約售150元至600元不等,估計生意有升,「你睇吓今日未到中午都賣清」,指師傅仍在趕工紮花應市。

母親願望:明年可以除罩!

午市時間,旺角區中型餐廳大排長龍,尤其以點心店最多人。謝氏一家四口同穿鮮黃色色、戴黃口罩,到一家點心黃店外排隊等候入座,十分耀眼。媽媽說,每逢周日家庭日,都習慣穿親子裝外出,她稱已收下仔女親手製作的小手工,作為母親節禮物,感十分安慰,「上年疫情差啲出都出唔到去,今年好啲啦,最希望係出年可以除罩啦!」

泰菜黃店「芳華絕代」午市人頭湧湧,負責人蕭先生指,今晚訂枱已爆,還歡迎臨場walk-in。他指,今晚生意預計比昨晚稍微下降,因明日要上班,故大家會早回家。

警方食環成黃店「常客」 常稱收投訴到場

該店主打高消費力「年輕成年人」,因應市道轉旺,但政府又要提出「ABCD餐」堂食分枱方式,他指最近警方和食環人員都成為常客,經常稱收到投訴到場。

蕭補充,即使該店維持收晚上10時且四人一枱,仍會怕當局故意找麻煩,盡量提醒客人填紙:「用『安心出行』好似人數越嚟越多,我會寧願大家寫紙,我哋又唔會特登去check,check都唔知真偽,無謂大家貪方便定唔知咩啦。之前有個案都無通知,我唔知大家係冇睇到呢啲新聞定咩啦!」他期望食客盡興之餘,也留意所用之物是否可靠。

基隆茶餐廳代囚友向母親獻花

旺角基隆茶餐廳午市沒有滿座,但維持有食客出出入入,有女士離開時手上更拿鮮紅玫瑰。負責人Cat姐指為慶祝母親節,訂購一批比利時玫瑰,她身為三子之母,十分感慨,「母親節吖嘛,我哋呢啲媽媽都好辛苦,揹起頭家、又要擔心啲細路。(點解會派花?)我覺得要感謝啲母親,訂咗800蚊啫,比利時玫瑰嚟,仲有啲係區議員拎嚟送畀街坊。希望喺而家咁困難嘅日子,或者有啲媽媽佢掛住啲細路喺裏面(在囚)嘅,希望畀少少安慰佢哋,雖然我哋做唔到啲乜,但都希望大家支持。」

Cat姐指,疫情下的母親節唯有盡量適應,「你知而家疫情,又有啲所謂『強制』,我哋都係盡量做得幾多…配合囉!冇辦法。」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner