疫情︱康怡住客終「放疫監」 轟安排混亂伙食環境惡劣:所有嘢都below standard

更新時間 (HKT): 2021.05.09 20:57

政府盲目安排過千名市民到隔離營坐「疫監」,大批住客投訴後,方肯放寬檢疫安排。康怡花園N2座住客陳小姐(化名)今日也脫離「疫監歲月」,她憶述竹篙灣隔離營的伙食、環境也很惡劣,地板污垢處處,要用漂白水拖地兩次才變乾淨;而負責管理的民安隊亦未能解決住客疑難,「甚至連衞生署幾號電話都冇」。

她稱,回到家才算鬆一口氣,「感覺唔相信香港辦事(管理檢疫營)能力咁差,所有嘢都below standard」。

民安隊不諳運作:連衞生署幾號電話都冇

陳小姐表示,上周二(4日)知道大廈有初步確診個案,沒料到凌晨隨即封區強檢;她和家人凌晨完成強檢後,等了超過24小時,直至周四(6日)早上才獲衞生署安排到竹篙灣隔離營。

折騰一番後,迎接陳小姐一家的隔離單位,「衣櫃就冧、張床搖搖地,床舖得一份,但我同屋企人一齊住⋯⋯後尾至發現,全部嘢都派少一份。」不單如此,她發現地板非常骯髒,不敢赤腳步行,「嗌咗工作人員畀地拖同埋漂白水,拖咗兩次至乾淨啲⋯⋯不過整體個單位附近都係好大塵」。

她指,雖然沒吃過新聞日前所說懷疑出現問題的飯盒,但工作人員不時派錯飯或派少飯,「打去問又唔會唔覆,但就隔好耐至做,而且好難一次做到晒」。她認為負責管理的民安隊仍然不諳隔離營運作,尤其是前日政府宣佈放寬隔離安排 :「我哋問幾點鐘可以走,佢哋話唔知,我話不如你畀衞生署電話我問,佢哋竟然話冇。」

終返家感「鬆晒」:覺得畀佢玩死

陳小姐一家今日終於返家,她稱第一個感覺是「鬆晒」:「好似逃離咗現場,終於返番嚟。」她說,需要1至2天時間打理家務,但總好過再住多1天隔離營,不需終日感到彷徨無助。

她又說,屋苑一直做足衞生清潔,亦始終相信自己沒有接觸過染疫傭人,今次無奈被逼坐「疫監」,「覺得畀佢玩死」。

雖然能夠返家,但她接續仍要接受多次強制檢測,「但冇人話我哋知點計第3、7、12日」,她與鄰居均不清楚,擔心日後又會造成另一輪混亂。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner