隔牆有耳:出po寫錯字 林鄭目無「親」(李八方)

更新時間 (HKT): 2021.05.10 02:00
■原圖「母親」錯寫成「母𧡿」,及後才糾正。

特首林鄭月娥呢位兩子之母,舊年母親節喺fb寫咗篇「母親節範文」,將老公同兩個仔送橙色手袋咁sweet嘅事,spin做「炸彈驚雲」暗示自己成日俾人針對,今年林鄭嘅母親節鴻文,無提老公、無提仔仔、當然更加無提手袋,只得一張花朵相片,提醒要守防疫措施。唔通林鄭今年乜都收唔到?

大篇幅講防疫

隻字不提老公林兆波同兩個仔,佢花咗大篇幅去講東涌映灣園隔離單嘢,話係驚社區爆發一發不可收拾,最後又話因為衞生防護中心可以確保追蹤確診者接觸者,有信心調整防疫措施,仲話「感謝每一位的理解和配合」,相信東涌映灣園居民都將「母親」掛在口邊,但就肯定唔係祝福嘞。

不過,林鄭今年個母親節po雖然只講防疫,但一樣俾眼利網民發現有蝦碌地方,原來原圖嘅「母親」寫咗做「母𧡿」,唔止一位有眼利網民發現打錯,喺帖文下留言,網編好快就改咗post,可惜fb專頁可以改,但俾《文匯報》、「香港法治報」轉載咗張原圖就冇得改啦。

李八方

一格照片,一個故事,Follow蘋果Instagram!
BannerBanner