Chickeeduck續熱爆 
顧客抽空撐:去食嘢不如幫老細

更新時間 (HKT): 2021.05.11 02:00
■Chickeeduck荃灣分店昨連續第五日獲市民爆買支持。

【本報訊】Chickeeduck荃灣分店上周遭警方國安處搜查,又被消防調查走火通道後,昨日連續第五日獲市民爆買支持。大批市民毋懼烈日當空排隊「大懲罰」,有市民不諱言預期未來政治環境黑暗,勉勵大家要堅持,盡量支持同路人。

昨早11時店舖未開門,門外已有10多名市民排隊,之後人龍增至30多人。負責管理人流的店員稱因限聚令,店內盡量維持20人左右,當部份市民離開店舖,隨即多放數名顧客進內。顧客陳小姐藉空檔到場支持,直指:「如果能夠付出時間去食嘢,咁我寧願付出時間嚟幫吓老細。」對於黃店不斷受壓,她坦言:「其實預咗,所以大家一日仲喺度,同路人都要嚟支持吓。」

「買嘢唔會俾人拉啩?」

排隊近半小時的陳先生亦因搜舖事件特意到場支持,他笑指:「咁我買嘢唔會俾人拉啩?覺得大家仲喺香港生活要幫番自己人。」陳先生不諱言預期未來政治環境黑暗,但他勉勵大家要堅持,盡量支持同路人。另一顧客譚小姐購買多枚燙章支持,「其實除咗靚,都係(老闆)有心先會買」,又指「買件衫啫,唔使咁誇張囉,又冇特別,又唔係煽動人做啲咩」,她希望老闆繼續堅持,揚言自己亦會守住自己的價值。

Chickeeduck職員Amy感謝港人連日來支持和鼓勵,笑言:「我哋(職員)唔辛苦,排隊嘅仲辛苦,有人都等到成兩個鐘先入到嚟,所以真係好多謝大家。」

一格照片,一個故事,Follow蘋果Instagram!
BannerBanner