港版國安法︱取締支聯會、民陣及《蘋果》? 林鄭:視乎證據、抗辯及法庭裁決

更新時間 (HKT): 2021.05.11 14:30

今年是六四32周年,但康文署早前已藉防疫為名,拒絕支聯會於維園舉辦燭光集會,特首林鄭月娥今日出席行會前記者會時,被《蘋果》記者問到港人在「港版國安法」下,是否仍有和平悼念六四的自由,以及港府是否有計劃要取締支聯會、民陣及《蘋果日報》時,林鄭只重申會「依法辦事」,最終要視乎證據、抗辯、檢控決定和法庭裁決。

林鄭說:「所謂依法辦事,第一就係要睇邊條法律,而特首就唔係一個去詮釋法律嘅人,呢個係法庭嘅工作;第二就係要睇證據,究竟收集咗乜嘢證據,咁都有抗辯嘅,當事人可以抗辯。所以呢個我今日無辦法喺呢度講個具體(情況),更加唔會話我哋已經有啲建議要去執行啊,去做啲咁嘅嘢。每件事都係佢發生咗、違反咗法律,咁執法機構要採取行動啦,檢控嘅部門要作出決定啦,然後交上去法庭」。

稱「和平集會」說法已被濫用

她又批評「和平集會」的說法現時已被濫用,又斥外國傳媒在本港法庭判處有人干犯「非法集會」罪行後指當事人無罪,「佢哋(外國傳媒)竟然可以出聲明,話和平集會表達政治訴求係無罪。咁即係完全漠視香港係一個法治社會,亦對佢哋自己自身重視法治嘅原則,係有所違背」。她強調香港是一個「非常重視法治」的地方,「我哋有非常好嘅法治根基,亦都會按住法律去辦事」。

被問到今年至今已有逾20名區議員辭職或喪失議席,政府會否考慮透過委任填補有關空缺,又或者順勢審視區議會角色時,同場的民政事務局局長徐英偉回應時稱,會待涉及區議員宣誓的條例在立法會通過後,盡快作出相應安排,並指在現存制度下,他並無權力委任區議員。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner