《台蘋》報紙停刊︱不敵時代巨輪 「開荒牛」壹傳媒主席葉一堅不捨:我諗住我死先過佢

更新時間 (HKT): 2021.05.14 21:21

台灣《蘋果日報》18年的輝煌歲月,終敵不過時代巨輪,將於本月18日(下周二)起停刊。壹傳媒主席葉一堅是《台蘋》的「開荒牛」,他坦言,《台蘋》曾是全台銷量最勁的報章,更是台灣首份全彩的綜合報紙,紙本要停刊,百般不捨,「唔係我哋要執,係時代巨輪要執,都冇辦法啦」。堅哥坦言,現時每個人都在手機獲取資訊,「手機太犀利,紙媒生存唔到」,紙本停刊後,會集中資源發展蘋果新聞網。

18年前《台蘋》在台灣創刊,是全台首份全彩的綜合報紙,其報道特色,改變了台灣的傳媒生態。葉一堅接受香港《蘋果日報》訪問時坦言,「2003年《台蘋》創刊時正值沙士,到今天COVID-19,咁啱又宣佈(紙本)執笠……梗係唔捨得,日日返工見同事多過見老婆仔女」。

昔日銷量高不愁無廣告客 地產商聲言封殺後「仆返來」

在台灣掌舵的歲月,堅哥至今仍難以忘懷,「搬過來時殺到佢哋(其他報紙)一仆一碌,好過癮㗎嘛……嗰時AC Nielsen一出,(《台蘋》銷量)第一就全場食200蚊台幣便當,每一季啲同事就等住AC Nielsen個結果」。他又憶述,當時《台蘋》銷量高,不愁沒有廣告客戶,地產商、零售商戶反而搶住在《台蘋》落廣告,「舉個例好似台灣地產商,你知我哋(報道)好容易得失地產商,然後話封殺,但隔咗兩個星期、一個月,(地產商)仆返來」。

《台蘋》紙本走向終結,堅哥引用孔尚任《桃花扇》名句:「眼看他起朱樓,眼看他宴賓客,眼看他樓塌了」,亦慨嘆《台蘋》敵不過時代巨輪,「唔係我哋要執,係時代巨輪要執,都冇辦法啦……我諗住我死先過佢(《台蘋》),點知佢死先過我」。他又稱,時代變遷,人人手機在手,加上廣告收入大跌及轉移至社交媒體,「理智啲咁諗,真係撐唔落去,冇理由真金白銀係咁蝕,但你又諗唔到方法,有一個新idea去救返間報紙……如果我哋撐到落去都撐落去,但真係撐唔落去」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner