李八方online︱民主新定義 由鄧飛話事

更新時間 (HKT): 2021.05.14 14:57

立法會月尾就審議「完善」選舉制度修例,通過就梗㗎喇,不過市民贊唔贊成就人言人殊。教協會長馮偉華前排寫文,話呢次「完善」係「開民主倒車」,惹嚟去年曾參選立法會嘅教聯會副主席鄧飛反駁,鄧飛仲提到一人一票民主有3個假設。八方睇完就明白點解香港冇民主。

稱「一人一票只係迷思」

是咁的,鄧飛反駁馮偉華認為,一人一票選舉先係公平公正嘅論點,佢就覺得一人一票只係民主嘅「迷思」,因為一人一票民主有「幾個假設」,包括「每個人智商都是一樣的」、「所有人都是理性的」、「每個人都能預測未來情況」。鄧飛就認為實際上唔係咁,所以一人一票民只係民主選舉其中一種方式,馮偉華嘅講法係「誤導公眾」。

實際上係咪做到上述3個假設呢?恐怕一日有智商160嘅勞福局局長羅致光喺度,香港人嘅智商都唔會一樣,至於「預測未來」,政府官員都成日話自己「無水晶球」預測唔到,剩低「所有人都理性」,更加係天荒夜譚。

羅健熙:你叫車公情何以堪?

難怪民主黨主席羅健熙都慨嘆,「好彩民主係冇呢啲前設,如果唔係一個社會總有鄧飛呢類智者存在,會連累到社會上所有人」,「如果人人都可以預測未來都竟然係一種條件,你叫車公情何以堪?」

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner