裕民坊留守果汁店最後倒數

更新時間 (HKT): 2021.05.14 02:00
■繼續留守的裕發鮮果汁女店員昨在店內執拾。

【本報訊】觀塘裕民坊重建在即,隨着「安記皮具」前日被市建局收回,剩餘「裕發鮮果汁」留守到最後,昨店舖貼出「光榮結業最後四天」,繼續開門做生意,早上多名市民到來緬懷一番,有人用相機拍攝,盼留住裕民坊的舊貌。

「死守」未走的鮮果汁店昨晨有兩女店員開工,她們不斷執拾和打掃,被問到被收舖後有何打算,其中一名女店員一臉茫然,「冇打算,我乜都唔知」。至於近日生意如何,有否街坊最後衝刺趕來幫襯,女店員說:「麻麻哋」。

老街坊到場緬懷

裕民坊將走入歷史,清拆重建,有不少市民到來舊地重遊,區先生童年在裕民坊附近長大,其後搬到紅磡居住,近年又搬回觀塘區,他昨到來拍下裕民坊僅有的舊貌及素描畫作,感觸良多,「想留下照片,好多童年回憶」。

將再有歷史悠久的小店被收回,一去不復返,他無奈說:「冇辦法,城市要進步,盡量保育精采嘅嘢,知道呢幾日會收返,始終都要收,因為咁舊,唔可以話一小撮人爭取,就阻礙城市進步,爭取要取平衡,留返舊嘢,城市都要發展。我細個都幫襯街頭小食,自己又會喺度擺吓檔,賣吓書,賺一個幾毫買零食。」

在附近街頭擺檔做鐘錶維修的佘先生,對於將來能否繼續經營認為言之過早,「冇咩打算,冇計劃,無言以對,今日唔知聽日事,喺度擺咗幾十年檔,無言以對」。

一格照片,一個故事,Follow蘋果Instagram!
BannerBanner