女記者放蛇 「暖男」急邀睇症醫經痛

更新時間 (HKT): 2021.05.14 02:00
■Kelly稱Benny關懷備至,現時回想感到惡心。

交友App騙徒扮演單身暖男冧女落叠,邊扮君子邊說話曖昧,又搭膊頭𠱁歡心。女事主Kelly被賤男Benny一句:「我想搵個伴一齊做」,誘購逾40,000元美容療程及教育課程。記者放蛇約Benny,及後他即通知美容中介報喜,指女記者為「超簡單嘅女」。自稱單身的他更無視公司規定,偷偷與女同事拍拖及街頭擁吻。

女子中計失4萬

Kelly經交友App結識Benny,甫見面Benny即請食飯,送生日禮物獻殷勤,約會後着她回家報平安,亦會輕搭Kelly膊頭、拍大髀𠱁她歡心。她稱二人一周見四次,Benny試邀Kelly看中醫被拒,即轉推介美容及教育課程,約她到醫美中心按摩。當發現她不欲消費,Benny即挨近說:「我想搵個伴一齊做按摩」,令Kelly誤會可發展,終花逾40,000元,飯敍亦要她埋單。

記者約Benny見面,他自稱27歲、理大商科畢業,從事市場推廣四年多,公司與數品牌合作,能低價買名牌及演唱會門券,「早排做張敬軒拎VIP位,平時喺澳門搞BLACKPINK嗰啲」,着記者可向他索取門券。他交談得知記者有經痛,即雀躍稱:「我妹四季經,中學請假差啲畢唔到業」,到該中心看中醫一年便好轉。他又自稱腸胃差,經半年調理後也好轉。

Benny不時關心記者:「你係咪鼻敏感」,亦心急約記者數天後見中醫。及後Benny即以短訊聯絡中介,興奮稱:「約咗場referral,佢好多嘢想搞,超簡單嘅女」,以為可再賺一筆佣金。

連日追蹤發現,Benny每次出動全程低頭玩電話,疑忙於應酬目標。公司雖禁辦公室戀情,但他兩次和一女同事外出,當附近無人時兩人即當街擁抱濕吻。自稱住筲箕灣的他沒送女方回家,自行坐小巴返藍田公屋住所,而非他聲稱的筲箕灣屋企。記者在琪恆中心質詢Benny,他否認並指是私人地方,便急步走入辦公室。

一格照片,一個故事,Follow蘋果Instagram!
BannerBanner