李八方online︱林鄭港台節目平均收視0.09點 成功清零反惹屈穎妍狠批:沒把人民放第一位

更新時間 (HKT): 2021.05.15 15:38

疫情都困擾咗大家1年多,係咪好想快啲清零呢?「梁粉」屈穎妍就喺網媒《港人講地》專欄話,特首林鄭月娥終於「清零」,但原來係幫香港電台收視「清零」,同時仲不留情面咁批評林鄭「沒有把人民放第一位」。

質疑林鄭以公營頻道進行選舉工程

屈穎妍喺佢嘅專欄話,由林鄭主持、喺港台播放嘅《選委界別分組面面觀》,平均收視得0.09,「電視收視率0.1等於6,500人,那0.0,即是低於6,500,可能是650,或者65,看來,林鄭的最大功勞是成功讓港台節目收視清零。」

屈穎妍又質疑林鄭主持呢個節目係「每天在曲線開展選舉工程,利用身份之便、以公營頻道訪問將來有份選特首的選委會成員時,已不說瓜田李下的問題了,單是那份有沒有把人民放第一位的心,就值得商榷。」

吓,乜唔係建制派話港台成日收政府錢鬧政府唔啱咩,而家畀位林鄭講「完善」選制又唔啱喇?

批抗疫「領軍者」不務正業

屈穎妍又話,宣傳新選制搵劉德華、譚詠麟效果一定仲好,但抗疫「只能靠特首領軍,無人可代替,一天拍7個訪問,還有餘暇兼顧特首工作嗎?」認為市民「看到領軍者不務正業,一氣之下關電視,就是市民能作出的最無力控訴。」開到咁大火力發炮,睇嚟真係選舉近了。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner