快必畫畫勉《蘋果》撐住

更新時間 (HKT): 2021.05.17 02:00
■「快必」譚得志送上畫作,寄語「撐住呀,蘋果!」

手機用戶請按此放大圖表

【本報訊】47名民主派人士因參與初選被控顛覆國家政權罪,僅11人准保釋。其中林卓廷議辦雖已解散,但其團隊仍努力為民主黨籌款,還奉上林的親筆感謝信影印本和心意卡致謝。「快必」譚得志得知《蘋果日報》受打壓,昨特意送上一幅畫了四個橙的畫作,講獄中吃生果點滴,更寄語「冇蘋果睇?仲可以睇乜?撐住呀,蘋果!」

快必近日得知黎智英再遭保安局打壓,「佢話好多囚友聽到後心情好差,大家都擔心會被『送中』,以後香港所有嘅政治犯都會同一命運」,快必便擔當心靈治療師的角色去安慰大家,「叫大家要有心理準備,預咗會係咁,就唔使咁擔心」。他亦支持《蘋果日報》,「話九個月冇食過蘋果了,遲啲可能連睇都冇得睇,所以會憑畫畫寄意,想表達如果冇咗蘋果,香港人仲可以有咩生果食?」快必昨便送上一幅畫了四個橙的畫作,寄語「撐住呀,蘋果!」

林卓廷感謝卡贈同路人

林卓廷fb小編近日出post量減少,指「忙於處理有關阿廷的種種事宜,其中一樣就係代佢擺民主黨獎券街站」,即使林的議辦早已解散,但小編仍勉力籌款,「全因想喺萬方來難登臨之時出一分力,亦想支持一下阿廷等在囚/還柙朋友」。林和小編為答謝同路人支持,「特別準備咗少量嘅感謝卡送贈善長,封面有囚友為阿廷畫嘅畫,背面有阿廷給市民嘅親筆感謝信影印本」。

一格照片,一個故事,Follow蘋果Instagram!
BannerBanner