隔牆有耳:Cap圖師轉播《自肥企画》
ERROR殺入牆內(李八方)

更新時間 (HKT): 2021.05.17 02:00
■燕子生命將《ERROR自肥企画》整成圖文版本,等牆內手足都可以睇到阿Dee「英姿」。

香港人近年面對抗暴加疫情,想笑都笑唔出,但近排終於難得可以一展歡顏,多得《ERROR自肥企画》呢個節目,令到唔少人星期一至五晚喺電視前等睇騷,仲要節目唔止娛樂性十足,裏面嘅「隱藏訊息」亦發人深省。不過,唔係所有香港人都有睇《自肥》呢啲高汁節目嘅機會,好似牆內嘅手足就冇啦,但機會終於嚟啦!

不公開下載 供手足親友參考

支援在囚手足嘅組織「燕子生命」,知道牢內生活枯燥乏味欠缺娛樂,所以一直努力為牆內手足提供外間資訊,除咗為牆內手足徵集書本,仲有一個「YouTube機頂盒」計劃。計劃每星期喺Youtube挑選唔同種類專題影片,再製作有彩圖有文字嘅謄本,然後印成信件寄畀手足。佢哋剛剛就宣佈有《ERROR自肥企画》,仲率先提供咗節目頭兩集內容,但基於版權同其他原因,就未能公開畀人下載,只供手足親友參考,如果有需要,就可以同佢哋聯絡。

話時話,由格仔Mike導主唱嘅《自肥》主題曲,有句二創歌詞「『For香港觀眾』畀埋條命你好冇?」八方大膽提議,Mike導團隊不如考慮下,整多個版本用埋「For牆內手足」,唔知佢哋又肯唔肯制呢?

李八方

一格照片,一個故事,Follow蘋果Instagram!
BannerBanner