李八方online︱曾替林鄭助選 TVB記者章詠欣提問讓林鄭反擊梁振英

更新時間 (HKT): 2021.05.18 12:41
林鄭今日藉章詠欣提問,首度開腔不點名反駁梁振英的批評。

特首選舉前哨戰已展開,相信冇乜人有異議。被指有意再問鼎特首寶座嘅梁振英近日以房屋、公務員效率問題向現屆政府「挑機」,今朝特首林鄭月娥出席行政會議前嘅記者會前,唔知係天意定故意,喺答問環節一開始,2017年曾經為佢助選、現為無綫女記者嘅章詠欣獲准提問,其中一個問題係:「點睇梁振英先生提出發展郊野公園部份土地嘅建議」?

林鄭收到前助選團成員呢隻「好牌」後,首度開腔不點名反駁梁振英嘅批評,話呢屆政府對土地嘅重視係「不容置疑」,而每屆政府喺土地供應方面,都會採取唔同策略,強調土地供應係「前人種樹,後人乘涼」,只睇一面,就有偏頗!

為林鄭「助攻」嘅章詠欣曾任港大學生會國事學會第45屆幹事會主席,於2017年喺林鄭參選特首嘅競選分享大會,企正喺林鄭旁邊。中共國家主席習近平2017年訪港時,佢更曾現身停機坪迎接同習近平握手,成為極少數可近距離接觸習大大嘅港人。去年5月佢轉做大台記者後,一度因為被傳媒行家質疑冒認「東方星島」記者,而逃入立法會保安室,令唔少傳媒行家「大開眼界」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner