劉頴匡籲留港守護面貌

更新時間 (HKT): 2021.05.19 02:00
劉頴匡

【本報訊】47名民主派人士因參與初選被控顛覆國家政權罪,僅11人准保釋。劉頴匡日前發文,呼籲同路人一齊出聲努力抵抗移民潮,指他已盡力兌現對其他手足許下的「齊上齊落」承諾,「我希望自己受嘅苦難可以成為香港人勇敢地堅持留低嘅理由,係可以振奮人心、而非擊潰士氣」,又指他明知將要承受刑責,都毅然選擇留港,「其他人有能力喺度守護香港現有面貌嘅人,有咩理由恐懼?又有咩理由捨我哋而去?」

甘為民主「坐多幾年」

劉又指「假若47人坐監當真可令香港實現民主,我諗要我哋坐得再耐幾年都心甘情願,或者至少於我而言係咁樣。」他認為政治犯的存在,應該令港人更加堅強、信念更加茁莊,證明政權濫捕策略是枉費心機。

正還柙的醫管局員工陣線前主席余慧明,其昔日戰友兼中大師弟、醫管局員工陣線副主席陳國誠日前於fb發文指「拒絕沉默,堅守專業。或者就係賦予2021年仍然留低嘅人嘅使命」。他憶述,余2月底到警署報到前夕曾稱「如果不幸短期入面無辦法同大家再會面,只想大家記住成立工會嘅初衷,繼續堅持自己想做的事就對了」。陳堅定稱「我哋不單止係醫管局員工,我哋更加係香港人。」

一格照片,一個故事,Follow蘋果Instagram!
BannerBanner