隔牆有耳:周小龍盼愛女「做下一個趙婷」(李八方)

更新時間 (HKT): 2021.05.20 02:00
■周小龍出po籲網民支持女兒Jane拍攝的短片《Sorry for the Inconvenience》。

月初被警方國安處人員圍封荃灣Chickeeduck嘅老闆周小龍,一向好少提及屋企人,舊年曾經喺商台訪問提過女女,大讚佢好生性。周老闆日前就喺個人專頁「周小兔」出咗個post介紹阿女Jane,原來佢係美國新晉導演,仲係周老闆嘅「御用文膽」,所有參選同Chickeeduck藝術生活百貨嘅短片都經佢策劃、撰寫同剪接。

為女兒參賽短片拉票

最近Jane拍攝嘅電影短片拎咗去參加洛杉磯一個比賽,愛錫阿女嘅周小龍就喺fb為女女拉票,叫網民去睇片支持下。佢話一個女仔決定做導演唔容易,決定留喺荷李活發展就更加唔容易。Jane原來係香港卓越獎學金計劃得主,本獲政府資助學費四年,但政府要求她一定要接受教育局名下大學,同埋畢業後必須返港,Jane最終拒絕接受,周小龍就喺fb話諗返轉頭,呢個可能係天主保佑。

兩父女相隔兩地,加上被國安警封舖陰霾,周小龍藉機向乖女訴盡心中情:「女,唔好再掛住返嚟,爸爸冇事,爸爸唔會退,就算你下次見我係格住一塊膠板,請不要為我流淚,請為我驕傲」,仲為阿女注強心針,「我心信你係下一個趙婷」。

李八方

一格照片,一個故事,Follow蘋果Instagram!
BannerBanner