酷熱穿長褲 區議員籲關注女子監獄

更新時間 (HKT): 2021.05.26 02:00
■林兆彬指荔枝角收押所環境悶熱,籲大家多關注。

【本報訊】47名民主派人士被控串謀顛覆國家政權罪,當中大部份人正被還柙。前學民思潮發言人黃子悅的fb小編指,早前黃的限聚令案件已撤控,「再次證明濫權、濫發告票嘅指控絕非子虛烏有」。本土抗爭派政治人物鄒家成,感謝大家支持石牆花的「十萬火急」聯署,為牆內手足發聲。

黃子悅盼修畢學士課程

黃子悅fb小編發文指黃的限聚令案件能夠撤控,「係純粹『好運』」,「不會認為咁小嘅事,到最後撤咗控就叫所謂『贏咗』」。黃在空閒時會讀書,從精神層面增進自己,她寄語「希望大家都唔好太沉迷喺娛樂。睇完造星,都要繼續做自己粒星,好好裝備自己」。

另外,有指黃在獄中一直關注學業,現希望校方能酌情讓她修畢只剩下半個學期的視覺研究文學士課程。

赤柱監獄還押的鄒家成感謝大家聯署為牆內手足發聲,fb小編指「佢話裏面真係好熱,倉內只有一把轉吓轉吓嘅風扇,每日只可以沖一次涼,不禁慨嘆『一日可以沖兩次涼其實真係好幸福』」。細心的小編還留意到鄒穿着一件「睇落都幾熱嘅底衫」,「原來係因為件灰色囚衣非常粗糙,所以咁熱都要着住件底衫喺入面。」

日前旺角東區議員林兆彬到荔枝角收押所探望手足,他表示「女仔冇得裸露上身,全年都要着長褲,夏天非常辛苦」,希望大家多關注女子監獄的情況。

一格照片,一個故事,Follow蘋果Instagram!
BannerBanner