32年義工 讓熱血繼續燃燒
「港人要用自己方式 表達對六四感受」

更新時間 (HKT): 2021.05.27 02:00

【本報訊】支聯會除了市民認識的何俊仁、李卓人等常委外,原來還有一位「大哥」,32年來默默在幕後為支聯會付出。人稱「大哥」的林榮江自支聯會成立已擔任義工,雖予人鐵漢形象,但談到每年六四燭光遍維園、到今天踏足維園亦會被捕,仍忍不住落淚。但林榮江認為,即使未必能到維園悼六四,「呢個(六四)燭光代表乜嘢?係代表希望、代表堅持、代表無畏無懼嘅精神。你哋認唔認同呢個精神?如果認同,就喺可以嘅範圍用各自嘅方式去表示!」

記者:林俊謙

在1989年6月4日下午,20萬名市民身穿黑衣齊集跑馬地參加支聯會的「黑色大靜坐」,當年25歲的林榮江是其中一人,更即場填寫支聯會招募義工表格,開展其至今長達32年的支聯會義工生涯。林榮江接受本報訪問時笑說,當年報名做義工純為一腔熱血,「覺得件事有啲意義,唔好成日掛住搵錢啦」。

「以前真係做到死,鑊鑊都做到甘;𠵱家冇得做,覺得好可惜。」

這股熱血燃燒了32年,林榮江解釋只為堅持「做認為應該做嘅嘢」,他自言與前特首董建華一樣,只希望「中國好,香港好」,卻多了一份憤怒:「咁都要中國真係好先得㗎!問題係𠵱家個個只識鬥吹水,個個都由得佢(中國政府)做錯嘢,然後去阿諛奉承話佢好,咁佢係咪好先?」

林榮江過去每逢六四前一個多月開始,總為籌辦六四活動忙得不可開交,六四集會前夕,有時一天更只睡上兩至三小時,集會結束後又要協助收拾物品送回倉庫,一直忙至清晨,但每當見到台下萬點燭光,總令他覺得一切付出都是值得。

政權打壓下維園此後或難再現燭光,林榮江不禁慨嘆:「以前真係做到死,鑊鑊都做到甘;𠵱家冇得做,覺得好可惜,真係好可惜。」回看過去32年付出的時間和汗水,他淡然說不覺有很大犧牲,只遺憾有時因為要兼顧工作未能全程參與,慨嘆「錢我有機會搵返,但我有啲嘢係miss咗,一生人就冇㗎喇」。

爭取平反六四至今32年,又可曾想過香港變成今日如斯模樣?滔滔不絕的林榮江此時不禁無語,並感觸落淚說:「我冇諗過差得咁淒涼……真係好差。」他估計,隨着支聯會主席李卓人、副主席何俊仁和秘書蔡耀昌入獄和還柙,加上副主席鄒幸彤、常委趙恩來、麥海華、梁錦威和梁國華被控去年6.4在維園參與未經批准集結,支聯會隨時只餘下數名常委仍屬自由身。

「呢個燭光代表乜嘢?係代表希望、代表堅持、代表無畏無懼嘅精神。」

縱使前路暗淡,林榮江未有打算放棄多年義工工作,表明「守到幾耐得幾耐」,即使義工無支聯會常委帶領,亦能按多年經驗運作,底線是在現有空間下盡量發聲並避免被捕,「我今年57歲,已經係人生大部份,我點會唔堅持?臨到死嗰日,都係做得到都做!如果佢唔畀,咪用其他方式、其他嘅名義囉,冇問題嘅」。

假如今年六四集會被禁,港人可以如何悼念六四?林榮江認為港人可用不同方式表達對六四事件感受,如在六四當晚亮起手機燈光在維園外散步。他認為港人最重要是對得住良心,「大家問自己,呢個(六四)燭光代表乜嘢?係代表希望、代表堅持、代表無畏無懼嘅精神」,若港人認同六四精神「就喺可以嘅範圍用各自嘅方式去表示囉」。他堅信要求平反六四訴求已深植港人心中,「有啲嘢𠵱家未必咁易表現出嚟,但總會有機會爆出嚟,開花結果」。

一格照片,一個故事,Follow蘋果Instagram!
BannerBanner