六四32︱今年維園繼續無燭光 學生嘆歷史遭竄改從小被洗腦:毋忘集體傷痛

更新時間 (HKT): 2021.05.29 19:58

警方早前拒絕就六四維園燭光集會批出不反對通知書,公眾集會及遊行上訴委員會今早聆訊,以「疫苗接種不理想」及限聚令為由,駁回支聯會上訴

巿民均認為疫苗接種不理想為事實,但認為政府以此為由反對六四,純屬政治打壓的藉口,更有年輕人哽咽,盼在失去燭光的時刻,港人仍然不要忘記集體的傷痛,亦有年輕巿民指銘記歷史與堅守初心是港人對付極權最有力的武器,呼籲大眾堅持。

學生斥委員會的說法荒謬:旺角咁多人啦

不願上鏡的高級文憑學生K指直斥委員會的說法荒謬,「大家可以見到旺角咁多人啦,甚至乎政府都會搞年宵啦,惟獨就係ban一啲有政治(色彩)嘅集會,其實完全係用防疫嘅名義,去打壓人哋表達自己嘅訴求嘅(自由)」,指自19年起和平集會亦會被阻止,直言政府只會打着不同的旗號去作政治打壓,形容是「前車可鑒」。

K指,更年輕一代可能自小就被洗腦,在歷史被竄改時,擔憂他們會遺忘真正的歷史。今年六月四號的晚上,維園第二年失去燭光。

被問及有沒有話想送給仍在默默堅持的香港人,K一度哽咽,「我哋係學生、係年輕人,就要為呢個國家出一分力,希望大家記得個初衷」,冀望港人不要忘記六四。

市民批政府藉疫苗接種率打壓

27歲的Michael並沒有接種疫苗,亦坦承疫苗接種率不理想,「(接種率)係唔理想嘅,但我覺得唔係因為巿民任何嘅問題」,指疫苗的安全性本身難以令人信賴、政府又無法給予巿民信心接種疫苗,才會造成接種率不高的情況。

對於政府屢以接種率不高為由推出各種政策,他則戲謔稱:「接種率應該咩都可以攞嚟賴嘅,即係失業率好高,都係因為接種率唔高啦!」指限聚令及疫苗接種率僅為政府「試圖體面地」打壓巿民集會自由的工具,更指政府會以同一藉口打壓「睇唔順眼」的集會,即便疫情過後,亦會以各式各樣的藉口作政治打壓:「把尺就喺佢哋嗰度。」

對於香港社會的現況,他直言已與內地沒有太大分別,「咁你會見到,好似同大陸無分別囉,呢個(本來)係我哋香港嘅特色,可以自由去表達自己意見、集會、遊行咁」,但他指「總會有班人係喺到嘅」,待要發聲或行動之際會再出現,指失去集會的機會無法令民意消失,亦不會令香港人忘記,直指銘記歷史與堅守初心,是港人對付極權最有力的武器,並指政權所做的種種「人在做,天在看」。

「事實就係事實,發生過就係發生過」

身為一子之母的Sherman,並不相信政府指疫苗接種率低而拒批六四集會的說辭:「無關疫苗呢件事囉,我覺得佢都係唔會批囉」,認為限聚令、疫苗接種率只是政府不想巿民集會的藉口。

她早前從新聞中得知歷史等不同科目的教學方案被修改,坦言相當擔憂,指自己年幼的兒子接受教育時,「應該都俾人改得幾嚴重吓」,或只能靠自己去告訴他真相,「(但)都要嗌佢哋,唔好唔記得呢樣嘢,一定係要,唔好俾佢哋完全消失係呢個世界上」。她指因為家庭的因素無法移民,只能卑微地寄望情況不要再惡化。

她又指,雖然面對前路的種種不確定,政權篡改歷史早在無聲中進行,但仍眼神堅定地說,「佢點改都好,事實就係事實,發生過就係發生過,真相就係真相,佢點掩蓋都好,始終都會有人記得。」

-----------------------------

蘋果App大升級 更簡潔更就手!了解更多立即下載體驗

一格照片,一個故事,Follow蘋果Instagram!
BannerBanner