六四32︱近八成半受訪者不想歷史被遺忘 75%為證明香港人未死心

更新時間 (HKT): 2021.05.30 02:01

六四燭光在香港點亮了31年,大家繼續燃燒的理由是甚麼?問卷向受訪者了解他們堅持的原因。在179名會堅持悼念六四的受訪者中,最多人選擇「不想歷史被遺忘」,達84% 。同時,亦有大部份人受到港人自身的抗爭驅使,有75%受訪者表示,悼念是為了「證明香港人並未死心」。

今年19歲的學生Yan說,六四在課本只得一小段,來龍去脈未必交代清楚,「我而家都仲知道,但可能再下一代,甚至再下下一代,唔會再知呢件事係點樣」,所以她認為民間悼念十分重要,「可能政府不斷抹黑,不斷改寫歷史,如果民間肯傳承落去,不斷繼續講,係可以流傳到」。

26歲的陳小姐過去無悼念習慣,今年則打算在家悼念六四。她解釋,社會運動令她對六四感受加深,「情況都幾相似,大家都係差唔多年紀出去……六四係大家想要自由,但係佢(政府)㩒住你唔畀做任何嘢……其實同而家香港係差唔多」。

曾參與六四晚會的大學生Sam亦認同,過去的抗爭令他更關注六四事件,「當你知道一個國家可以咁霸道嘅時候,你唔想喺咁嘅環境生活,就要做啲嘢改變」。李同學則表示,反送中運動令她聯想起六四示威者面對的困難,「睇返六四,信念上係好似,成個民主運動一脈相承,種下咗種子,嚟到近年香港先可以開花結果」。

-----------------------------

蘋果App大升級 更簡潔更就手!了解更多立即下載體驗

一格照片,一個故事,Follow蘋果Instagram!
BannerBanner