啟翔苑「樓王」不足半小時售出 劏房戶嘆淒涼難上車 廿四孝母購凱德苑搬近長子圓心願

更新時間 (HKT): 2021.05.31 18:02

房委會以市價6折推售4個居屋項目,分別鑽石山啟翔苑、火炭彩禾苑、馬鞍山錦駿苑及粉嶺山麗苑,今日(31日)首日揀樓,其中最受矚目的啟翔苑「樓王」,在半小時內被買家揀中,同座的高層08室單位亦相當炙手可熱,3小時內被全數揀中。

房委會透露,今日首日揀樓共有93個單位成交,當中綠表及白表申請者分別涉及41個及52個。房署早前指,今日將邀請約110名家庭申請者到場揀樓,而最終有94位申請者到場,即「甩底率」達14.5%。當局稱,4個新居屋樓盤中以啟翔苑最受歡迎,有68個單位售出,而彩禾苑、錦駿苑及山麗苑分別有5個、7個及4個單位售出。至於重售單位方面,凱樂苑售出3個單位,而凱德苑、錦暉苑及雍明苑各售出2個單位。至於明日(6月1日)則約有120位家庭申請者獲邀揀選居屋單位。

今期的居屋樓王啟翔苑B座33樓08室,在開始揀樓後不足半小時已被揀中,該單位座向東南,實用面積502方呎,售價488.86萬元,呎價約9,738元;同座的3個低層單位,亦在一小時內被旋即選走。同座的高層08單位,亦因為座向好而大受歡迎,三小時內,20樓至33樓的8號單位已全數被揀選,有來到揀樓的巿民表示:「梗係(快俾人揀晒)啦,座向咁好,但係低層就對住垃圾房㗎喇,可能會轉揀06(室)啦,座向都OK㗎。」

「唔使每月交萬幾蚊租」

白表申請人長者李先生,過往一家六口居住在深水埗唐樓的劏房逾五年,300多平方呎的單位卻每個月要付近萬元租金。李先生揀中相當搶手、約售487萬元的啟翔苑B座高層08號單位,指「滿意,開心,因為我個車牌係308,所以我揀返308」,又指「(單位)合我心水⋯⋯ 感受咪覺得自己幸運啦!」

被問及購入的價格如何,他無奈指「貴都無辦法啦」:「你香港樓係咁㗎喇,買私家樓我哋又買唔起,申請公屋呢,我個仔嗰份糧又少咗少少咁,無辦法咪惟有買居屋啦⋯⋯大家都明白,而家打工一族係咁淒涼,無辦法喇,咪想買居屋,你都唔使一個月交萬幾蚊租啦。」談及對香港地租金貴的看法時,他則指「有乜點睇啫,都無乜得好睇,你生喺香港你都係要住㗎,唔通踎街邊咩,無得睇㗎。」

白田邨重建戶興奮揀中心水單位

年長的黃女士,是白田邨的重建戶,今天揀中是次重售、位於長沙灣凱德苑的高層單位,因為鄰近大兒子居住的居屋,直言是「心水單位」,指自己「好開心,好開心,係自己嘅心願嚟嘅」。她以大約450萬的價錢購入單位,指去年沒有申請凱德苑,是因為不知自己的經濟能力是否能負擔得到,但因為家中年輕一輩喜歡這個單位,所以決定購入:「啲後生嘅鍾意呀嘛,後生嘅鍾意咪佢哋鍾意咪咩囉」。她將會與小兒子一家居住在單位之中,提到三代同堂,臉上難掩開心的情緒。

居住在深水埗區趙先生,是綠表申請人,購入啟翔苑約售462萬元的中層單位,指「近呀嘛,方便(交通)呀嘛」,過往抽了兩、三次居屋亦沒有中,今次「中奬」,他指「(心情)OK呀,好平淡」,又笑指「我成日都中奬㗎」。雖然已經退休,但他仍然置業,指是「起碼都有個自己嘅屋呀」,又指幾名子女將會幫忙供樓:「供,供,一次過俾晒,無咁多錢」。

今期居屋4個屋苑,合共推售7,047個單位,面積約278至614方呎,售價由117萬至489萬元。至於重售單位則涉及95個。

-----------------------------

蘋果App大升級 更簡潔更就手!了解更多立即下載體驗

一格照片,一個故事,Follow蘋果Instagram!
BannerBanner