送暖高牆:失去色彩 仍有黑白灰

更新時間 (HKT): 2021.05.31 02:00
【閉眼感受】

手機用戶請按此放大圖表

牆內的手足和義士,不少未審先囚,縱帶着無罪之身,卻先承受不知何日才是歸期的漫長監禁,盡見政權的不義與無恥。其中已被無理剝奪自由三個月的初選案眾被告,今天再上庭提訊,願你們都能安好,更願高牆外的力量,可以支撐大家繼續撐下去。

有讀者來信給初選案被告人之一李伯盧,雖然擔心與着急,但仍相信對方可克服眼前困境;袁嘉蔚向DSE生送上親筆信,鼓勵同路人和自己,「一旦人生失去色彩,閉上雙眼用心感受,絕望的人至少也會感受到黑、白、灰。」

讀者電郵請發送到letterstoprison@appledaily.com,或來函將軍澳工業邨駿盈街8號《蘋果日報》編輯部

送暖高牆逢周一至五刊出

--------------------

見字飲水

伯盧︰

對上一次透過蘋果日報得知你嘅消息,已有一段時間喇。一切還好嗎?希望係No news is good news啦~

幸好,由上個月開始關於你嘅關注組賬號(吳政亨(李伯盧)關注組@GordonNgConcernGroup)分別喺facebook、Instagram同Patreon開啟,我就可以透過呢啲渠道得知你嘅近況。而最近你亦就「堅持」同「去與留」嘅社會熱門話題作出回應,謝謝你嘅分享!同時,亦期待喺高牆內嘅你日後能夠同我哋多作交流。

5月31日(星期一)係初選47人案嘅提訊日子,實在替你有點着急。隨着提訊日子嘅逼近,再加上高牆內嘅高溫惡劣環境,想必或多或少都會令你嘅情緒帶來丁點困擾同忐忑。但我相信憑住你嘅堅毅意志,定必可以慢慢適應如此非人道嘅環境同會克服到。

只要記住敵人越係要想盡辦法去打垮我哋,我哋就要更加顯示香港人打不死嘅精神,努力堅持撐落去。喺高牆外嘅手足們絕對無忘記你哋為真香港人付出嘅一切。我哋會繼續喺安全嘅情況之下,以各種方法去鼓勵同支持各在囚人士!!!

前路縱然睇不清,我哋唯有好好調整自己嘅心理質素去奮力面對。共勉之!!!

見習劣師 Rock & Ro

@致壹傳媒各員工:多謝你哋為香港嘅新聞自由捍衞到底

@致因被打壓而被無理囚押嘅手足們:見字飲水,好好保重身體。只要人無事,煲底相見之日必定到來

苦中站立

一格照片,一個故事,Follow蘋果Instagram!
BannerBanner