飲食業:㩒住荷包逼人屈服

更新時間 (HKT): 2021.06.01 02:00
林瑞華 資料圖片

【本報訊】接種疫苗再度與吃喝玩樂掛鈎,不打針者恐連出外用膳權利也沒有。中小企食店聯盟召集人林瑞華批評當局「成日㩒住香港人個荷包屈服喺你個政策」;旅遊業界則認為部份人會為了外遊而打針。

院商失望指被針對

食衞局長陳肇始預告,若第五波疫情爆發,未打針人士進出食肆、戲院等場所將受限制,林瑞華批評當局「成日㩒住香港人個荷包屈服喺你個政策」,對於會否憂慮因此影響食肆生意,他說「冇得驚」。林無奈指,幸好還有百多萬人已打針,總比一刀切禁晚市堂食好。

經營台菜餐廳的演員黃美棋同樣認為對生意必有影響,她說:「雖然疫情已經維持咗年幾,大家都開始習慣外賣形式,不過生意都一定有影響。」

有不具名院商對政府的措施感到失望,表示不明白每次戲院都被針對︰「睇戲冇得叫外賣,亦唔係必需品,你唔畀冇針紙嘅人入場,人哋咪唔睇(戲)囉。」戲院商會 、黃百鳴旗下Cinema City、林建岳的MCL發言人均表示暫未有回應。

旅遊業方面,東瀛遊執行董事禤國全認為,假若所有團友都打針,相對風險會較低,「好過到時一啲冇打針嘅人出發後(染疫),處理更麻煩」。至於外遊能否谷針,禤認為因人而異,舉例對一些一輩子也不去旅行、甚至連護照都沒有的人而言,限制打針外遊完全沒有影響,但對於一年去三至五次旅行的市民而言,「長時間冇得去旅行,佢身體都會好辛苦」。

一格照片,一個故事,Follow蘋果Instagram!
BannerBanner