47民主派被控︱楊岳橋今生日 好友郭榮鏗:每天為他禱告 徒弟黃文萱:會將市民祝福寄給他

更新時間 (HKT): 2021.06.05 15:58

正被還押、已退出公民黨的楊岳橋今日生日,身在加拿大、已離港的前公民黨立法會議員郭榮鏗,今日透過社交網站向楊岳橋發文,指楊岳橋是他從政路上難得遇上的好友,對楊岳橋如今身陷囹圄,他只能每天向上主禱告,祈求他與牆內各人安好:「祝你在亂世下的生日平安。」

除了郭榮鏗,已辭職兼退黨公民黨的沙田區前區議員黃文萱亦在社交網站發文,憶述楊岳橋昔日經常幫助她:「不論係拉票、擺站,甚至最後善後一啲由於我嘅任性而造成嘅爛攤子,佢都可以毫不猶疑咁孭上身。去到後期佢話我『膽生毛』,就算成日覺得我亂嚟都會擔心我,當我就算演變成叛逆小孩,佢都會話完我之後,話有咩事佢會幫我……但呢份義氣、善良同尊重我會銘記在心。」

被視為楊岳橋「徒弟」的黃文萱指,楊岳橋是一個好人,默默為香港付出,「好人唔應該有咁嘅處境,唔應該係被恥笑嘅對象。而佢為香港付出嘅,自己默默地食過嘅屎,實在太多太多。」黃文萱大嘆,很難想像40歲生日要在牢裏度過,故希望收集大家的祝福,然後寄給楊岳橋:「我知道佢心態應該可以堅強,就算身陷囹圄都係會擔心出面嘅人,都係會咁貪靚。而家我同佢都無官一身輕啦,幫佢問大家拎一個生日快樂都可以啩,我會將啲生日Message cap圖比佢睇。」

-----------------------------

蘋果App大升級 更簡潔更就手!了解更多立即下載體驗

一格照片,一個故事,Follow蘋果Instagram!
BannerBanner