六四32︱「被捕師」王逸戰獲保釋:燈在人在

更新時間 (HKT): 2021.06.06 13:21
王逸戰指,有人或覺得現時仍「企出嚟」等於「送頭」,但他擺設街站的初衷,是希望在公共空間見到大家。本報記者攝

學生組織「賢學思政」召集人王逸戰6.4當晚於旺角設街站期間,遭警方以「涉嫌公眾地方行為不檢」和「阻差辦公」拘捕,被扣查約20小時後,昨午獲准保釋。王逸戰昨晚在Facebook「報平安」,指前日已是他半年以來第3次被捕,形容自己「不知不覺好似成為咗『被捕師』」。他指,有人或覺得現時仍「企出嚟」等於「送頭」,但他擺設街站的初衷,是希望在公共空間見到大家,「讓我哋喺黑暗中找到彼此熟悉嘅身影」。他希望港人不要再後退,並說:「始終,燈在,人在,人民嘅意志唔會輕易被極權扼殺」。

半年來第3次被捕

王逸戰前晚被捕,並遭警方扣查約20小時後,昨午12時獲准以1,500元現金保釋,並要於7月5日早上11時正回旺角警署報到,但手機遭扣查。王昨晚在Facebook發文「報平安」,指「唔好意思, 令大家擔心了,我還安好」。他指,昨日已是自己半年來第3次被捕:「但諗深一層,究竟係因為我行前咗,定係因為獨裁政權嘅不義之法,我諗呢個道理大家都心知肚明,明明擺街站咁『和理非』、咁『左膠』嘅嘢,而家喺政權眼中都係踩紅線,但我希望大家唔好再後退。」

他文中又指,在後國安法時代,公民社會中每一個能彰顯抗爭意志和凝聚人心的機會,都值得珍惜,因為每一次機會都得來不易,亦可能成為下一次歷史改變的起點:「雖然點起燭光同着黑衫唔係抗爭,歷史亦話畀我哋知,我哋嘅信仰需要以行動去證明。但經過琴日六四嘅政治動員,眾人用行動話畀我知本土嘅抗爭仲有好多人未放棄,就算極權為咗令眾人噤聲出動7,000名警員,大家依然無畏無懼,甚至會衝出馬路set roadblock,我相信,未來,總會有改變嘅希望,在適當嘅時間大家會再次重聚。」

-----------------------------

蘋果App大升級 更簡潔更就手!了解更多立即下載體驗

一格照片,一個故事,Follow蘋果Instagram!
BannerBanner