隔牆有耳:睇攻略學做最強寫信師(李八方)

更新時間 (HKT): 2021.06.09 02:00
■攻略形容手足唔太鍾意收到道歉文,最緊要都係心意同創意。

唔少手足義士因抗爭身陷囹圄,信件成為牆內外重要聯繫打氣方式。去年開始協助搜羅探監用品嘅零食店Jimmy Jungle聯同囚權組織石牆花、「寫信師」等一齊合作,花咗約一個月時間,精心製作「最強5**寫信攻略」,希望幫有心人同牆內手足建立筆友關係之餘可以改善寫信技巧,等牆內手足睇得開心。

最緊要心意同創意

寫信為牆內手足打氣,最重要嘅精神係「重質不重量」,Jimmy Jungle喺fb貼出攻略,分類做書信基本特質、技巧、牆內人士喜歡或不喜歡收到嘅內容等;落單買零食仲會隨箱附送一本列印版,大家亦可以去指定店舖領取,講明「只要有心,人人都可以係專業寫信師」,同時提唔應該太倚賴攻略,「太多嘅形式反而會令信生硬,心意同創意係最重要」。

石牆花喺fb分享,話為牆內外配對做筆友嘅「和你做筆友」計劃至今已運作約一年半,感激一眾寫信師努力,但因為在囚人士喺獄中日子越長,對信件需求亦會有唔同,「手足確實需要更長期及深入的交流和寄託」;希望攻略可以畀大家提供一啲參考。

李八方

一格照片,一個故事,Follow蘋果Instagram!
BannerBanner