被問參選特首 葉劉:言之尚早

更新時間 (HKT): 2021.06.09 02:00
■葉劉(右)昨出席劉慧卿(中)網台節目,未有完全否定參選特首可能。

【本報訊】新民黨立法會議員葉劉淑儀上屆未能入閘選特首,政界猜測她會否再出戰明年特首選舉,葉劉昨出席民主黨前主席劉慧卿的網台節目時,被問到會否參選特首,雖拒表明立場,但未有完全否定出戰可能,只稱目前是「言之尚早」。

「𠵱家冇人會答呢個問題」

葉劉在節目中更直言,不回應是因為要考慮宣佈參選後的法律效果,包括選舉開支申報,形容「𠵱家冇人會答(參選特首)呢個問題」。她期後又稱,考慮是否再次參選時,會先考慮是否能取得足夠提名。

被問到有傳特首林鄭月娥近日就被外國制裁大吐苦水,會否有助她取得選委「同情票」時,葉劉不以為然:「將來嘅特首,都可能被制裁㗎喎!機會均等㗎喎!你唔可以話某人已受制裁,就畀多啲分佢」,至於林鄭是否有意爭取連任時,葉劉稱不想猜測林鄭想法,但指任何人出任特首,都希望做到十年,「因為五年過得好快,有啲政策真係十年、八年先睇到佢落實。」

政府過去一年引用港版國安法大舉拘捕民主派人士,政府做法是否「過火」?葉劉僅稱凡事都有因果,指有民主派呼籲外國制裁港府官員,是中央「非常棹忌,超過咗個底線」,又稱「搞政治係要付出代價」,指外國公民抗命領袖都要「捱過一輪」,公民抗命「唔係piece of cake,唔講得笑」。對於立法會選舉制度大改,她稱不覺得是民主倒退,更指「民選(議會)唔一定有代表性」,又認為民主黨若不再選立會,「過幾年啲人就唔記得你。」

一格照片,一個故事,Follow蘋果Instagram!
BannerBanner