西環集中營:港人等通關 移民潮料年底再掀高峯(季陶)

更新時間 (HKT): 2021.06.11 02:00
■有專業人士相信,即使過了9月開學季節,也不代表離港潮告一段落。資料圖片

踏入6月,季陶認識不少專業人士及公營機構工作朋友,每周均忙於出席大大小小餞別飯局,正如之前所說,不少有意移民港人均趕於7、8月起行,方便子女9月到外國開學。有專業人士更相信,即使過了9月,也不代表離港潮告一段落,他認識不少人想等待外國疫情進一步緩和、航空交通及通關恢復後才起行,「估計今年年底到明年初,會再有一個移民高峯」。

無在學子女「唔急住走」

該專業人士近日就與一班中學同學,歡送幾名中學朋友移民英國及加拿大,他苦笑說,「上年十幾個中學同學聚舊,今次再聚頭,有三分一已經移咗民,今次再有三分一會同家人仔女喺8月前走」,至於餘下的幾個中學同學大多沒有子女,「佢哋唔急住8、9月前走,只係唔急住走」,有人已開始賣樓及預備辭職,「佢哋想等英國、加拿大疫情緩和,航空交通同通關正常返小小先走,好多預今年底或明年初走」。

另一政界人士也說,他也認識不少專業人士甚至公務員,計劃年底才離港,「好多人冇仔女趕開學,唔使急住走,而且佢哋即使辭職,好多要幾個月先走得,有啲公務員仲要清假,再加埋安排賣樓等,所以唔少人諗住年尾先動身」,因此他估計,今年年尾到明年初,應有另一個移民高峯潮,相信會有更多港人離開,「到時走嘅香港人,可能仲多過7、8月呢一轉」。

季陶

周一及周五刊出

一格照片,一個故事,Follow蘋果Instagram!
BannerBanner