【近2000萬注碼瘋賭】下屆經典一哩要角又贏!創今季最低派彩紀錄

更新時間 (HKT): 2017.03.12 20:23
當家精選

【新增圖片】

這天(12日)沙田跑到最尾第十場三班1400米,主角莫雷拉同蔡約翰呢對親密騎練戰友,憑熱到只得1.2倍的「當家精選」,雙雙食尾糊起孖。三歲馬「當家精選」再輕勝一仗,服役三戰未逢敵手,單Win及組合獨贏A1都係派12元正。

「當家精選」今場沿途前置下無敵手,大勝兩馬位,至今3戰均由騎師㩒住取勝,共贏9.25馬位,此駒仲有幾多喺手冇人敢講,但三戰三勝,評分總升幅就肯定超過30分,其最新評分必在80分以上,公認為下屆四歲馬系列經典一哩賽爭霸要角之一。

「當家精選」今場獨贏投注額高達19,546,873元,最終單Win只派12元正,是今季最低紀錄,比2016年12月27日「巴基之星」贏新馬錦標1400米派12.5元還要低。

尾場賽果熱頭冷腳,23倍「奮鬥雄心」後追第二,67倍「皇者勝利」後上第三,57倍新勝馬「銀豐神駒」最後一步頂唔住後駒,影相跑梗頸四,四重彩則派三萬三千幾。

莫雷拉全日贏第七場「彪形猛漢」(蘇偉賢馬房)及第十場「當家精選」(蔡約翰馬房)起孖,整日兩Win加埋只得27元派彩。蔡約翰全日則贏「魅力知友」(騎師田泰安)及「當家精選」及(騎師莫雷拉)包辦第九口孖寶。

一格照片,一個故事,Follow蘋果Instagram!
BannerBanner