【千呼萬喚始出來】郭富城拖實靚靚老婆 恩愛現身沙田馬場!

更新時間 (HKT): 2019.07.01 13:22

萬眾期待,樂壇天王郭富城嘅愛駒「舞士精神」喺今日(1日)回歸賽場。而事先亦有消息指出,城城會聯同靚靚老婆方媛(洋名Moka)一同入場力撐愛駒,所以未夠12點,大批記者已經聚集喺馬場守候。

千呼萬喚始出來,接近下畫一點鐘,Aaron(郭富城洋名)拖實太太方媛,戴住黑超華麗現身,即刻成為全場焦點。城城西裝骨骨,至於方媛則着黑色吊帶裙,仙氣四溢,二人面對鏡頭亦大方任影唔嬲,相當親民。

初出即勝嘅「舞士精神」將會喺第三場四班1000米登場,現時係大熱門,就睇吓城城夫婦能唔能夠再拉頭馬啦!

一格照片,一個故事,Follow蘋果Instagram!
BannerBanner