【今晨親身入羅廐】田泰安打賞兼猛Selfie 「紅衣醒神」決定光榮引退!

更新時間 (HKT): 2020.04.27 20:13
田泰安(右)今晨與羅富全父子及紅衣醒神影威水相(田泰安提供)

【新增內容】

田泰安昨日(26日)憑「紅衣醒神」勝出國際一級賽1200米主席短途獎,呢場勝仗更喺佢在港第二次贏一級賽,無獨有偶佢在港兩勝一級賽都是憑呢匹馬取得,所以佢當然錫晒「紅衣仔」啦!

今晨(27日)田泰安完成晨課後,第一時間入羅富全馬房探班,入到倉即餵紅蘿蔔俾「紅衣仔」食,獎勵吓佢,還猛咁同馬仔Selfie,真係愛不釋手!

雖然田泰安贏咗場大賽,但因為現時限聚令生效中,田泰安亦好乖,聽取政府呼籲少出街。

昨晚贏完馬沒有外出,即返宿舍只同未婚妻Xaviere在家中吃飯慶祝,昨日安仔贏大賽兼中三元,Xaviere當然整咗個豐富晚餐獎勵安仔啦!

「紅衣醒神」以七歲高齡能再次揚威於大舞台,練馬師羅富全賽後曾表示,有可能讓此匹短途翹楚繼續服役,但經過與馬主顧永祥商議後,亦決定安排「紅衣醒神」光榮引退。

一格照片,一個故事,Follow蘋果Instagram!
BannerBanner